कपिलवस्तु । शिवराज नगरपालिका वडा न. ३ को सार्वजनिक सुनुवाई सम्पन्न भएको छ । वडाले गरेका काम प्रभावकारी भए वा भएनन ? नागरिक समक्ष पुग्न सकेकी सकेनन् ?आदीबारे वडाबासीलाई जानकारी दिन सार्वजनिक सुनुवाई गरिएको हो ।
कार्यक्रममा विकास निर्माणको अवस्था, लक्षित वर्गको वजेट, लक्षित समुदायलाई सम्बोधन भए वा भएनन् भन्ने बिषयबस्तुमा नागरिकले प्रश्न उठाएका थिए भने नगरपालिका प्रमुख नेत्रराज अधिकारीले जवाफ दिनुभएको थियो । नगरप्रमुख अधिकारीले स्थानीय तहलाई नागरिकले सकरात्मक सहयोग गरे मात्र योजना सफल हुने बताउनुभयो । वडामा आवश्यकता अनुसार काम गरेको पनि प्रमुख अधिकारीको दाबी थियो ।
त्यस्तै, शिवराज नगरपालिका वडा न.३ का वडा अध्यक्ष टेकलाल सापकोटाले वडाको आवश्यकता अनुसार तिब्र गतिमा काम भएको बताउँदै प्रचारमुखी भन्दा पनि काममुखी भएको बताउनु भयो । वडा भित्र रहेका हरेक नागरिकका समस्या सम्बोधन हुने हिसावले काम अगाडि बढाएको बताउनु भयो । वडा अध्यक्ष सापकोटाले अहिले सम्म आफूले जनप्रतिनिधिको रुपमा लिने सेवा सुबिधा नागरिकलाई दिएको बताउनु भयो ।
कार्यक्रममा शिवराज नगरपालिका प्रमुख प्रशासकीय अधिकृत हरि प्रसाद अर्यालले यस्ता कार्यक्रममा समाजमा भए गरेका कार्यहरु प्रभावकारी भए नभएको समेत आउनु पर्ने बताउनु भयो । इलाका प्रशासन कार्यालय चन्द्रौटाका प्रमुख शंकर बहादुर बिष्टले नागरिक र स्थानीय सरकार बिचको समबन्धलाई नजिक बनाउन पनि यस्ता कार्यक्रम हुनु पर्ने बताउनु भएको थियो ।
