अर्घाखाँची । सीमा अतिक्रमण फिर्ता गर्न तथा भारतीय जाली नक्सा खारेजीको माग गर्दै राष्ट्रिय जनमोर्चा अर्घाखाँचीले मशाल जुलुश निकालेको छ ।

शुक्रबार साँझ सन्धिखर्कमा निकालिएको मशाल जुलुशमा सहभागी सयौं जनाले ‘कालापानी हाम्रै हो, जालि नक्सा खारेज गर, भारतीय सेना कालापानी छोड, राष्ट्रिय जनमोर्चा जिन्दावाद १’ लगायत नारा लगाएका थिए ।

राष्ट्रिय जनमोर्चाका जिल्ला अध्यक्ष थम्मन केसीले दिनुभएको जानकारी अनुसाल मसाल बजारमा रहेको राजमो पार्टी कार्यालय र मिडीयाचोक दुई स्थानबाट एकैचोटी मशाल जुलुस सुरु गरिएको थियो ।

जुलुश शान्ति वगैँचामा पुगेरकोणसभामा परिणत भएको थियो । अखिल (छैठौं)का केन्द्रीय उपाध्यक्ष देबेन्द्र कुवँरको सञ्चालनबाट अगाडी बढेको कोण सभालाई अखिल नेपाल किसान महासंघका महासचिव कृष्ण केसीले सम्बोधन गर्नुभएको थियो ।