काठमाडौं । सरकारले गएको ८ महिनामा ४९ हजार घरपरिवारलाई जग्गाधनी प्रमाण पुर्जा दिएको बताएको छ ।
सोमवार प्रधानमन्त्री निवास बालुवाटारमा आयोजित कमैया मुक्त घोषणा गरिएको २२ वर्षको उपलक्ष्यमा बौल्दै भूमि व्यवस्था, सहकारी तथा गरिबी निवारणमन्त्री शशी सो जानकारी दिननुभएको हो ।
मन्त्री श्रेष्ठले ८ महिनाको समयावधिमा करिव ४९ हजार घरपरिवारलाई जग्गाधनी प्रमाणपत्र वितरण गरेको भन्दै अबको दुई वर्षमा भूमिसम्बन्धी समस्या समाधान गर्ने दाबी गर्नुभयो ।
मन्त्री श्रेष्ठले वर्तमान सरकार उपलब्ध साधनश्रोत, तथा आर्थिक विकासको प्रतिफलको न्यायोचित वितरण गर्ने, भूमिमा रहेको दोहोरो स्वामित्वको अन्त्य गर्ने काममा लागिपरेको बताउनुभयो ।
‘मुक्त कमैया, हरुवाचरुवा लगायत जग्गाहीनलाई जमीनको मालिक बनाउने कार्यमा हामी दत्तचित्त भएर लागेका छौँ’ उहाँले भन्नुभयो, ‘यसलाई उच्च प्राथमिकताका साथ अभियानको रुपमा कार्यक्रम सञ्चालन गरी ८ महिनाको समयावधिमा करिब ४९ हजार घरपरिवारलाई जग्गाधनी प्रमाणपत्र वितरण गरिसकेका छौँ। आगामी दुई वर्षभित्र भूमिसँग सम्बन्धित सम्पूर्ण समस्या समाधान गर्ने लक्ष्य सरकारको छ।’
