अर्घाखाँची । अखिल नेपाल राष्ट्रिय स्वतन्त्र विद्यार्थी यूनियन (छैठौं) को २५ औं जिल्ला सम्मेलन सुरु भएको छ । ‘सम्पूर्ण वाम्पन्थी, प्रगतिशील,देशभक्त तथा जनतान्त्रिक विद्यार्थी एकजुट होऔं’ भन्ने मुल नाराका साथ शुक्रबार सुरु भएको सम्मेलको उद्घाटन महासचिव महेश जोशीले गर्नुभयो ।
कार्यक्रममा अखिल (छैठौं) का केन्द्रीय सदस्य चोप बहादुर विक, लक्ष्मी बेल्वासे, राष्ट्रिय जनमोर्चाका पूर्व केन्द्रीय सदस्य सागर केसी, जिल्ला अध्यक्ष थम्मन केसी, जनप्रतिनिधि बाबुराम पन्थी, नेकपा (मसाल) का जिल्ला प्रवक्ता पशुपति ढकाल, जातीय समता समाजका राजेन्द्र नेपाली, अखिल नेपाल युवक संघका केन्द्रीय बैकल्पीक सदस्य ठाकुर पन्थी,अखिल नेपाल महिला संघकी जिल्ला कोषाध्यक्ष मिना विकलगायत नेताहरुले सम्मेलन सफलताको शुभकामना दिनुभएको थियो ।
यस्तै, अखिल (छैठौं) का केन्द्रीय सदस्य देवेन्द्र कुँवर, गोपाल प्रसाद भट्टराई र राजमो पूर्व केन्द्रीय सदस्य शेर बहादुर विसी, झविलाल थापा, यमलाल पोख्रेल, कमल प्रसाद भुसाल, किसान संघका सचिव भिमलाल पोख्रेल,मजदुर नेता तुल्सी गैरेलगायत नेताहरुको समेत आतिथ्यता रहेको थियो ।
दुई दिनसम्म चल्ने सम्मेलनले नयाँ नेतृत्व समेत चयन गर्ने छ । उद्घाटन समारोहको अध्यक्षता अखिल (छेठौं) का जिल्ला अध्यक्ष सन्देश खनाल, उपाध्यक्ष पुरण नेपालीको सञ्चालन तथा सचिवालय सदस्य हिम्मत खनालले स्वागत गर्नुभएको थियो ।
