काठमाडौं । काठमाडौं महानगरपालिकाले साउन १ गतेदेखि कुहिने र नकुहिने फोहर छुट्टाछुट्टै संकलन गर्ने भएको छ ।

भोलि (साउन १ देखि) लागू हुने गरी महानगरले कुहिने र नकुहिने फोहर संकलनका लागि तालिका सार्वजनिक गरेको छ।

महानगरले कुहिने फोहर आइतबार र बुधबार र नकुहिने फोहर सोमबार र शुक्रबार सङ्कलन हुने जनाएको छ ।

महानगरले एक महिनाअघि नै सूचना जारी गरी फोहर वर्गीकरण गर्नेबारे नगरवासीलाई जानकारी गराएको थियो।

पटकपटकको सूचनालाई वेवास्ता गरी वर्गीकरण नगरिएका फोहर बोक्ने गाडीसम्म ल्याए पुनः घरमा नै फर्काएर कारबाही स्वरूप प्रतिव्यक्ति ५०० जरिवानासमेत गर्ने महानगरले जारी गरेको सूचनामा उल्लेख छ ।