उद्धव मगर, दोहा ।
कतार नेपाली एकता समाजको प्रथम राष्ट्रिय परिषद् भेला सम्मन्न भएको छ । राष्ट्रिय जनमोर्चाका अध्यक्ष चित्रबहादुर केसीको प्रमुख आतिथ्यमा जुलाई ९, २०२२ का दिन सो कार्यक्रम सम्पन्न भएको हो ।
समाजका अध्यक्ष अध्यक्ष विष्णु थापाको अध्यक्षता रहेको थियो उक्त कार्यक्रममा अन्तर्राष्ट्रिय नेपाली एकता समाजका महासचिव लुमाकान्त पुनमगर, अखिल नेपाल प्रगतिशील लेखक अध्यक्ष अध्यक्ष समीर सिंह, समाजका महासचिव खिम बुढामगर, कोषाध्यक्ष लक्ष्मण कोइराला, केन्द्रीय सदस्यहरू हुमाकान्त आचार्य, कमल आचार्य, जानुका बस्नेत (खड्का) र युगदर्शन साप्ताहिकका पत्रकार उद्धव मगर उपस्थिति रहेको थियो ।
कार्यक्रमको सञ्चालन समाजका सचिव रामप्रसाद पराजुलीले गर्नुभएको थियो भने केन्द्रीय सदस्य मिनराज पुनमगरले स्वागत मन्तव्य राख्नुभएको थियो ।
कार्यक्रममा भर्चुअल माध्यमबाट राजमो अध्यक्ष चित्रबहादुर केसीले प्रशिषण दिनुभएको थियो भने दर्शनको विषयमा अनपाका अध्यक्ष समीर सिंहले प्रशिक्षण दिनु भएको थियो ।
प्रथम राष्ट्रिय भेलामा राजनीतिक प्रतिवेदन समाजका अध्यक्ष विष्णु थापाले प्रस्तुत गर्नु भएको थियो भने साङ्गठनिक प्रतिवेदन समाजका महासचिव खिम बुढामगरले प्रस्तुत गर्नुभएको थियो ।
