गिरीप्रसाद बुढा, कर्णाली प्रदेस ।
राष्ट्रिय जनमोर्चा सुर्खेतले भ्रष्टाचार, महङ्गी, बेरोजगार, महिला हिंसा, मल विउको अभाव लगायतका विषयलाई लिएर विरोध प्रदर्शन गरेको छ ।
सोमबार (असार २० गते) कर्णाली प्रदेशको राजधानी सुर्खेतको मङ्गलगढी चोकमा विरोध सभाको आयोजना गरिएको हो ।
राष्ट्रिय जनमोर्चा सुर्खेत जिल्ला समितिका सचिव लालबहादुर नेपालीले सञ्चालन गर्नुभएको कार्यक्रममा राष्ट्रिय जनमोर्चा कर्णाली प्रदेशका सचिव पूर्णबहादुर शाही, नेकपा (मसाल) सुर्खेत जिल्लाका प्रतिनिधि विष्णु प्रसाद शर्मा, राजमो सुर्खेतका अध्यक्ष गोविन्द प्रसाद सुवेदीले मन्तव्य राख्नु भएको थियो ।
विरोध सभामा बोल्दै राष्ट्रिय जनमोर्चाका प्रदेश सचिव शाहीले किसानलाई आवश्याक परेको बेलामा मल विउ पूर्ति गर्न नसक्ने सरकारलाई किसान विरोधी सरकार नभनेर के भन्ने ? भनेर प्रश्न गर्नुभयो ।
उहाँले भन्नुभयो, ‘यो सरकार गरिब किसानको हितमा होइन दलाल पुँजीपतिहरुको हितमा रहेको हुँदा दलाल पुँजीपतिहरुको अहित हुने गरी सरकारले भ्रष्टाचार, महङ्गी र बेरोजगारी अन्त्य गर्छ भनेर सोच्नु आकासको फल आँखा तरि मर भने जस्तै हो ।’
उहाँले पुँजीपति वर्गको प्रतिनिधित्व गर्ने सरकारले गरिब, किसान वर्गको हितमा काम गर्न नसक्ने बताउनुभ भयो ।
कार्यक्रममा वक्ताहरूले महङ्गी र भ्रष्टाचारको विरोधमाा निरन्तर संघर्ष गर्नु पर्ने र समाजमा हुने महिला हिंसा रोक्न सबै सचेत हुनुपर्ने विचार प्रकट गरेका थिए ।
