दाङ । राष्ट्रिय जनमोर्चाका केन्द्रीय सदस्य तथा दाङ जिल्ला अध्यक्ष गणेश आचार्यले सरकार कहिले पनि जनताको हुन नसकेको आरोप लगाउनु भएको छ ।
राष्ट्रिय जनमोर्चा दाङ जिल्ला समितीले आयोजना गरेको महंगी, भ्रष्टाचार, बेरोजगारीलगायतका विषयमा भएको विरोध कार्यक्रमलाई सम्बोधन गर्दै उक्त आरोप लगाउनु भएको हो ।
उहाँले भन्नू‘भयो – ‘सरकार धेरै बदलिए, मन्त्री र प्रधानमन्त्री पनि फेरिए तर कोहि सरकार पनि जनता प्रती समवेदनसिल हुन सकेन । जनताले आन्दोलन गरेर राजतन्त्र फाले, पार्टी र नेताहरूलाई फेरि फेरि सरकारमा पुर्या तर कुनै सरकार र नेतृत्व जनताको हुन सकेनन । किसान लाई मन्त्रीको कुर्सी होइन मल चाहियो । मजदुर लाई काम चाहियो । तर सरकार मन्त्रीको जोड घटाउ र कमिसनको हिसाबमा मात्र तल्लीन छ । त्यसैले राष्ट्रिय जनमोर्चा सधैभरी जनताको पङ्तिमा उभिने गरेको छ ।’
उक्त कार्यक्रममा अखिल नेपाल जनजाति सम्मेलनका केन्द्रीय उपाध्यक्ष रमेशमान गुरुङ, अखिल नेपाल किसान महासंघका जिल्ला अध्यक्ष ऋषिराम पौडेल, राजमोका जिल्ला सदस्य कृष्णा राना लगायतले मन्तव्य सम्बोधन गर्नुभएको थियो। कार्यक्रमको सञ्चालन किसान महासंघका जिल्ला सचिव मनिराम खनालले गर्नुभएको थियोे ।
