काठमाडौं । राष्ट्रिय जनमोर्चाले सीमा अतिक्रमण र भारतीय हस्तक्षेपविरुद्ध काठमाडौंको गोंगबुमा विरोध सभा गरेको छ । रष्ट्रिय जनमोर्चा र र रक्तिम सांस्कृतिक अभियान काठमाडौंको संयुक्त आयोजनामा सञ्चालन भइरहेको एक महिने अभियान अन्तर्गत मंगलबार गोंगबुस्थित बिजी मल अघि सभा सम्पन्न भएको हो।
कार्यक्रमलाई सम्बोधन गर्दै राजमोका केन्द्रीय सदस्य घनश्याम न्यौपाने उच्च तदारुकताका साथ सीमा अतिक्रमण हटाउन सरकारले पहल गर्नुपर्नेमा जोड दिनुभयो । देशमा सीमा अतिक्रमणका विरुद्ध राष्ट्रिय एकता कायम भएको बताउँदै उहाँले सरकारले यो जनभावनाको कदर गरेर तत्कालै भारतसित वार्तामा बस्ने वातावरण मिलाउनुपर्ने बताउनुभयो । ‘सरकारले तत्काल कुटनीतिक पहल थालोस्’ न्यौपानेले भन्नुभयो, ‘यदी राजनीति र कुटनीतिक तवरबाट समस्या समाधान नभए यो विषयलाई अन्तर्राष्ट्रियकरण गरोस् ।’
कार्यक्रममा अखिल (छैठौँ) का अध्यक्ष विमल पोख्रेल र नेकपा (मसाल) काठमाडौंका प्रवक्ता जगतप्रसाद रेग्मीले पनि सम्बोधन गर्नुभएको थियो । कार्यक्रममा अखिल नेपाल महिला संघका अध्यक्ष मीना पुन, अखिल नेपाल जनजाति सम्मेलनका अध्यक्ष निमबहादुर बुढाथोकी, रक्तिम साँस्कृतिक अभियानका केन्द्रीय सचिव हेमराज आश्रम, राष्ट्रिय जनमोर्चाका केन्द्रीय सदस्य लालबहादुर थापा र लक्ष्मी केसी तथा नेकपा (मसाल) ३ नंं. प्रदेशका प्रवक्ता समीर सिंहको समेत आतिथ्यता रहेको थियो । कार्यक्रमको अध्यक्षता राजेन्द्रप्रसाद पुडासैनीले गर्नुभएको थियो भने सञ्चालन छवि सुवेदीले गर्नुभएको थियो ।
सीमा अतिक्रमण विरुद्ध राजमाे र रक्तिमकाे काठमाडाैं जिल्ला समितिकाे संयुक्त आयाेजनामा गत मंसिर २८ गतेदेखि विराेध प्रदर्शन भइरहेकाे छ। मंगलबारकाे कार्यक्रम दाेस्राे हाे । कार्यक्रमलाई निरन्तर जारी राख्ने रक्तिमका सचिव बिष्णु शर्माले जानकारी दिनुभएकाे छ ।
