काठमाडौं । नेकपा (मसाल) बाट केही समयअघि अलग भएका तत्कालिन केन्द्रीय सदस्य गंगा पौडेलले पार्टीलाई दिएको भनिएको ‘सुझाव पत्र’ र पार्टीले दिएको स्पष्टीकरण मसाल केन्द्रीय कार्यालयबाट प्राप्त भएको छ ।
पौडेलले आफूले पार्टीलाई दिएको सुझाव पत्र हालै सार्वजनिक गरेपछि नेकपा (मसाल) केन्द्रीय कार्यालयले पनि स्पष्टीकरणसहित २०७७ असार ५ गते पार्टीभित्र गरेको सर्कुलर सार्वजनिक गरेको हो ।
उक्त पत्रबारे मसाल प्रवक्ता रामप्रकाश पुरीले ‘पार्टी छोडेर गएका व्यक्तिहरुले आन्तरिक कुराहरु सार्वजनिक गरेर दिग्भ्रमित पार्ने प्रयास गरेकाले उक्त सर्कुलर सार्वजनिक गर्नुपरेको’ युगदर्शनलाई बताउनुभयो ।
‘हामीले पार्टीका कुनै पनि तहका नेता कार्यकर्ताले दिएको सुझाव, आलोचना वा उजुरी सार्वजनिक गर्दैनौं’ पुरीले भन्नुभयो, ‘तर, पार्टी छोडेर गएका व्यक्तिले आम कार्यकर्तामा दिग्भ्रमित पार्नेगरी पार्टीविरुद्ध प्रचार गरेपछि ति दस्तावेजलाई सार्वजनिक गर्न आवश्यक ठान्यौँ ।’
प्रवक्ता पुरीले अन्य दस्तावेजहरुसमेत आवश्यकता अनुसार सार्वजनिक गर्ने जानकारी दिनुभयो । यसबाट पार्टी कार्यकर्ता, समर्थक एवम् आम जनतामा पार्टीविरोधी तत्वहरुले पार्न खोजेको भ्रम साफ हुने उहाँले विश्वास व्यक्त गर्नुभयो ।
यस्तो थियो पौडेलको सुझाव पत्रमा पार्टीको स्पष्टीकरण
