खिमराज चालिसे, चण्डीगढ (भारत)
मूल प्रवाह अखिल भारत नेपाली एकता समाज नगर विभाग हिसारको भेला सम्पन्न भएको छ । जुन २५, २०२२ का दिन केन्द्रीय वैकल्पिक सदस्य तारा सोमरेले उदघाटन गर्दै सो भेला सम्पन्न भएको हो ।
मूल प्रवाह नगर अध्यक्ष बाबुराम पोख्रेलले नवनिर्वाचित समितिको घोषणा गर्नुभएको थियो । १९ सदस्यीय महिला नगर विभागको संयोजकमा सीता पोख्रेल तथा सदस्यहरूमा कमला बगाले, दुर्गा ज्ञवाली, सीता पौड्याल, चन्द्रा सोमरे, गीता बलाल, कमला खरेल, मिनु दर्लामी, उमा लम्तरी, दुर्गा तिवारी, निमा घिमिरे, रिमा बगाले, सविता राना, सुनिता सोनि, विष्णु जिसी, दुरमाया गाहा, सेती राना, ज्योति कुँवर, मन्जुबालालगायत रहनुभएको छ ।
भेलामा मूल प्रवाह केन्द्रीय परिषद् सदस्य केयरसिंह घर्तीमगर र नारायण विक, सुदूर पश्चिमोत्तर क्षेत्रीय समितिका नन्दबहादुर लम्तरी, महिला क्षेत्रीय विभागकी चन्द्रा सोमरे, मूल प्रवाह नगर अध्यक्ष बाबुराम पोख्रेल, विद्यार्थी विभागका दीपा लम्तरीको आतिथ्य रहेको थियो ।
कार्यक्रममा अतिथिहरू हुमाकान्त अधिकारी, ओमप्रकाश तिवारी, समता विभागका श्यामबहादुर विक, कमला खरेल, सुरेश क्षेत्रीलगायतले नव निर्वाचित समितिलार्ई शुभकामना दिनुभएको थियो ।
कमला बगालेको सञ्चालन तथा दुर्गा तिवारीको अध्यक्षतामा सम्पन्न सो कार्यक्रममा दुर्गा ज्ञवाली स्वागत गर्नुभएको थियो ।
