काठमाडौँ । प्रधानमन्त्री तथा मन्त्रिपरिषद् कार्यालयका राज्यमन्त्री उमेश श्रेष्ठले देशमा अझै २५ ओटा विश्वविद्यालय आवश्यक रहेको दाबी गर्नुभएको छ ।
२०७९ असार १० गतेदेखि काठमाडौँमा सुरु भएको कान्तिपुर हिसान एडफेयरको उद्घाटनको क्रमका उहाँले यस्तो अभिव्यक्ति दिनुभएको हो ।
सम्बोधनमा उहाँले उच्च शिक्षामा लगानी बढाउन निजी क्षेत्रलाई आह्वान गर्नुभयो । नेपाल उच्च शिक्षाको आकर्षक हब हुन सक्ने बताउँदै राज्यमन्त्री श्रेष्ठले त्यसमा लगानी बढाउन निजी क्षेत्रलाई आग्रह गरेका हुन् ।
उहाँले शिक्षा र स्वास्थ्य क्षेत्रलाई सेवामूलक व्यवसाय ठानेर अघि बढ्न पनि निजी क्षेत्रलाई सचेत गराउनुभयो । राज्यमन्त्री श्रेष्ठले शिक्षा क्षेत्रबाट नेपालमा ठुलो इकोनोमिक एक्टिभिटी हुने भएकाले यसमा लगानी गर्नेहरूको भविष्य राम्रो रहेको पनि दोहो¥याउनुभयो ।
‘नेपाल पनि हाइएयर एजुकेसनको एउटा हब हुन सक्छ । हाइएयर एजुकेसनमा इन्भेस्ट गरेर एउटा ठुलो इकोनोमिक एक्टिभिटी गर्न सकिन्छ भन्ने त्यो चिजमा सबै लागौँ’ उहाँले भन्नुभयो– ‘हाम्रो मुलुकलाई ११ ओटा युनिभर्सिटीले पुग्नेवाला छैन । अर्को २५ ओटा युनिभर्सिटी चाहिन्छ ।
राज्यमन्त्री श्रेष्ठले ठुलो लगानी शिक्षाआर्जनका लागि बिदेसिन नदिन सरकारले नेपाललाई एजुकेसन हब बनाउने नीतिगत, कानुनी र संरचनागत व्यवस्था गर्न लागेको पनि बताउनुभयो ।
चार दिनसम्म चल्ने सो फेयरमा उच्च शिक्षा हासिल गर्नका लागि आवश्यक सन्दर्भ सामग्रीबारे एकै थलोमा बसेर जानकारी पाउने व्यवस्था मिलाइएको बताइएको छ ।
