रामप्रसाद पौडेल,हैदरवाद ।
मूलप्रवाह अखिल भारत नेपाली एकता समाजका नेता प्रेम केसी प्रति एकता समाजले श्रद्धाञ्जली अर्पण गरेको छ ।
एकता समाजका भूतपूर्व वैकल्पिक सदस्य तथा भूतपुर्व मध्य दक्षिण क्षेत्रीय अध्यक्ष केसीको निधन भएको ११ औं दिनमा मूलप्रवाह मध्य दक्षिण क्षेत्रीय समितिको आयोजनामा श्रद्धाञ्जली सभा सम्पन्न गरिएको हो।
रद्धाञ्जली सभामा मूल प्रवाहका केन्द्रीय उपाध्यक्ष प्रेम पौडेलले केसीको जिवनी, संगठनात्मक यात्रा बारे संक्षिपत जानाकारी गराउँदै उहाँले संगठनको विकास र बिसतार गर्नको लागि महत्वपूर्ण भूमिका खेलेको बताउनु भयो । केसी अशक्त भैसकेको अवस्थामा पनि हरेक कार्यक्रममा उपस्थित हुदै आएको बताउनु भयो । पौडेलले भन्नु भयो–‘सरल र सादा जिवनशैली, आस्थाप्रती प्रतिवद्धता र निरन्तर सक्रियता रहने उहाँको बानी थियो, त्यो हामी सबैका लागि उदाहरण बनेर प्रेरणा र हौसलाको लागि अमूल्य निधि बनेको छ।’
कार्यक्रममा मूल प्रवाहका केन्द्रीय वैकल्पिक सदस्य कृष्णबहादुर थापा, केन्द्रीय प्रतिनिधि तथा मध्य दक्षिण क्षेत्रीय सचिवालय सदस्य केरतन सिंह, क्षेत्रीय समितिका सदस्य वीरबहादुर बिक, मोहनलाल शर्मा, दक्षिण नगर समितिका गिरिबहादुर कार्की, रामबहादुर आले, लालबहादुर केसी, हिरा पौडेल, तुलसी शर्मा, जुना थापा, प्रेम केसीका छोरा दिपक केसी र लिला केसीले पनि श्रद्धाञ्जली मन्तब्य राख्नु भएको थियो। उहाँका छोराहरुले पनि आफ्ना बुवाका अधुरा सपना पुरा गर्न आफूहरु संगठनमा निरन्तर रुपमा लाग्ने बताउनु भयो ।
रामप्रसाद पौडेलको अध्यक्षता, राजु दुलालको सञ्चालनमा भएको श्रद्धाञ्जली कार्यक्रममा केसीको फोटोमा अबिर र माल्यार्पण गरिएको थियो ।
