काठमाडौँ । जिल्ला समन्वय समिति, गुल्मीको सदस्यमा राष्ट्रिय जनमोर्चाकी नरमाया राना निर्वाचित हुनुभएको छ ।

२०७९ असार १ गते सम्पन्न निर्वाचनमा १५ मत प्राप्त गर्दै राना सदस्यमा निर्वाचित हुनुभएको हो ।

नगरपालिकाका मेयर र उपमेयर तथा गाउँपालिकाका अध्यक्ष र उपाध्यक्षले मतदान गर्ने कानुनी व्यवस्था हुँदा गुल्मीमा जिल्ला समन्वय समितिको निर्वाचनमा २४ कुल मत रहेको थियो ।

राजमो केन्द्रीय सदस्य रामकुमार क्षेत्रीका अनुसार कुल २४ मतमध्ये गठबन्धनले १५ र एमालेले ९ मत प्राप्त गरेको थियो ।

राना सत्यवती गाउँपालिकाको वडा नं. ३ बाट निर्वाचित वडासदस्य हुनुहुन्थ्यो ।