बुटवल । जातीय समता समाजले दलित समूदाय वर्षाैंदेखि पछाडी पारिएकाे भन्दै क्षतिपुर्ती स्वरुप समानुपातिक तर्फ थप काेटा छुट्याउन माग गरेकाे छ । यस्तै दलितहरुकाे मात्रै प्रतिनिधित्व हुने गरी निर्वाचन क्षेत्र छुट्याउनसमेत समताले माग गरेकाे छ । जातीय समता समाजले ७ वटै प्रदेशमा मुख्यमन्त्री मार्फत प्रधानमन्त्रीलाई ज्ञापनपत्र बुझाउँदै दलित समूदायका अधिकारप्रति गम्भीर बन्न तथा जातीय विभेदविरुद्ध कडा रुपमा प्रस्तुत हुन सरकारसँग माग गरेकाे हाे।
अध्यक्ष दिलबहादुर बिकका अनुसार २०६८ काे ‘जातीय विभेद बिरुद्धकाे कानुन’ले दलितमाथि हुने छुवाछूत लगायतका भेदभाव गर्नेलाई कडा सजायको व्यवस्था गरेकाे छ तर दलितमाथि हत्या, बलात्कार, छुवाछूत जस्ता जघन्य अपराधका घटनाहरु दिनानुदिन बढिरहेका छन्। उत्पिडनका दाेषीहरुलाई राजनीतिक दल तथा प्रशासनकाे मिलेमतोमा सजाय हुनबाट जाेगाउने काम भएकाे छ।
यसै सन्दर्भमा प्रदेश ५ मा समता समाजकाे प्रतिनिधि मण्डलले प्रदेश सरकारका आन्तरिक मामिला तथा कानुनमन्त्री मार्फत सरकारलाई ज्ञापन पत्र बुझाएकाे छ ।
जातीय समता समाजका केन्द्रीय अध्यक्ष दिलबहादुर बिककाे नेतृत्वमा ज्ञापन पत्र बुझाउन गएकाे प्रतिनिधि मण्डलमा ५ नं• प्रदेश सभा सदस्य तारा जिसी, नेकपा (मसाल) रुपन्देही प्रवक्ता नारायण जिसी, राजमाे, रुपन्देही सचिव टान बहादुर केसी, समताका केन्द्रीय काेषाध्यक्ष रेकम सुनार, प्रदेश समिति अध्यक्ष टिकाबहादुर बिक, उपाध्यक्ष बावुराम सुनार, सचिव अइन्द्र बिक, अर्घाखाँची जिल्ला अध्यक्ष राजेन्द्र नेपाली रुपन्देही अध्यक्ष दिल प्रसाद नेपाली, प्युठान अध्यक्ष बिन्दु परियार, पाल्पा अध्यक्ष धनकुमार ठडराईलगायत रहनुभएकाे थियाे ।
सुदूरपश्चिम प्रदेशमा पनि बुझाइयाे ज्ञापन
सुदूरपश्चिम प्रदेशमा महासचिव गोविन्द विकको नेतृत्वमा गएको प्रतिनिधिमण्डलले मुख्यमन्त्री त्रिलाेचन भट्टलाई ज्ञापन पत्र बुझाएकाे छ।
सुदूरपश्चिम प्रदेशमा मुख्यमन्त्री त्रिलाेचन भट्टलाई ज्ञापन पत्र बुझाएपछि समता र राजमाे नेताहरु
प्रतिनिधिमण्डलमा समताका केन्द्रीय सदस्य तथा सुदूरपश्चिम इन्चार्ज तिलक परियार, जिल्ला अध्यक्ष शेर बहादुर विक, कञ्चनपुर जिल्ला अध्यक्ष चक्र रैकाल, कैलाली जिल्ला सचिव कृष्ण विक, जिल्ला उपाध्यक्ष गोर बहादुर विक, सदस्य हर्क विक, राष्ट्रिय जनमोर्चाका केन्द्रीय सदस्य नन्दराज भट्ट,अखिल नेपाल किसान महासंघका केन्द्रीय सदस्य हरिकृष्ण पाण्डे, राष्ट्रिय जनमोर्चा कैलाली जिल्ला सचिवालय सदस्य डबल बोगटी रहनुभएको थियो ।
