अर्घाखाँची । अखिल (छैठौं) अर्घाखाँचीले संगठन विस्तारलाई निरन्तरता दिएको छ । सोही क्रममा मंगलबार भूमिकास्थान नगरपालिका–३ को प्रभाकर माद्यमिक विद्यालयमा ईकाइ समिति गठन गरिएको छ ।

कार्यक्रमलाई सम्बोधन गर्दै अखिल (छैठौं) का केन्द्रीय सदस्य तथा जिल्ला अध्यक्ष जीवन नेपालीले विद्यार्थीको हक अधिकार प्राप्तिको निम्ति तथा शैक्षिक विकृति, बढ्दो महंगी लगायत राष्ट्रियताको सवालमा विद्यार्थी आन्दोलित हुनुपर्ने बताउनुभयो ।

भेलाले अमृत सुनार अध्यक्षतामा ३१ सदस्यीय मूल इकाई समिति गठन गरेको छ। जसको उपाध्यक्षमा जमुना नेपाली, सचिव राधिका राना मगर, सहसचिव अन्जना पौडेल र कोषाध्यक्षमा दीपक विक चयन हुनु भएको छ ।

प्रशिक्षणात्मक भेला अन्जना पौडेलको अध्यक्षता र नगर सदस्य विशाल खनालको सन्चालनमा सम्पन्न भएको थियो ।