खिमराज चालिसे, चंडिगढ।
मूल प्रवाह अखिल भारत नेपाली एकता समाज सुदूरपश्चिमोत्तर क्षेत्रीय सदस्य एवम् नगर सदस्य आत्माराम न्यौपाने प्रवासबाट बिदा भएर स्वदेश फर्कनुभएको छ ।
मूल प्रवाह सुदूरपश्चिमोत्तर क्षेत्रीय समितिद्वारा सञ्चालित हिसार नगरसमितीले न्यौपानेलाई सम्मानका साथ बिदाइ गरेको हो ।
वर्ष १९८३ को मूल प्रवाहको सदस्यता लिएर निरन्तर नगर तथा क्षेत्रमा विभिन्न जिम्मा लिएर सक्रियतापूर्वक काम गर्दै आउनु भएका न्यौपाने पव्लिकहेल्थ हिसारबाट सेवानिवृत्त भएपछि मूल प्रवाहले स्वदेशमा जाने गरि बिदाइ गरेको हो।
उहाँलाई समाजका केन्द्रीय वैकल्पिक सदस्य तारा सोमरेले अविर तथा माला लगाएर सम्मान गर्दै न्यौपानेले संगठनमा दिएको योगदानबारे चर्चा गर्नुभयो ।
स्वदेशमा गएर यहाँको अनुभवलाई जनताको बिचमा साझा गरि अगाडि बढ्ने शुभकामना सहित मूल प्रवाह नगरका कार्यवाहक अध्यक्ष बाबुराम पोख्रेल र महिला नगर विभागकी सिता पोख्रेलले संयुक्त रुपमा सम्मान पत्र प्रदान गनु भएको थियो।
त्यस्तै गरि शुभकामना दिने अन्य वक्ताहरुमा मूल प्रवाह नगरका हुमाकान्त अधिकारी, सिटि एरिया ‘बी’ का केहर सिंह घर्ती मगर, इन्ड्रष्ट्रीयल एरियाका हेमलाल भुसाल, महिला विभागकी चन्द्रकला सोमरे, नगर सदस्य लाल बहादुर चुदाली, भिम बहादुर थापा, सुरेस क्षेत्री, प्रेम सुर्यवंशी, विद्यार्थी संघका नवीन सोमरे, दुर्गा तिवारी, सीता पौड्याल, नगर सदस्य यमलाल पौड्याल लगाएत हुनुहुन्थ्यो।
विष्णु गौतमको सञ्चालन तथा बाबुराम पोख्रेलको अध्यक्षतामा सम्पन्न कार्यक्रममा स्वागत ओमप्रकास तिवारीले गर्नु भएको थियो ।
सो अवसरमा न्यौपानेले मूल प्रवाहलाई करिब पाँच हजार रुपैयाँ (तीन हजार एक सय भारु) सहयोग गर्नु भएको थियो ।
बिदाइ भएका आत्माराम न्यौपाने गुल्मी जिल्लाको मुसिकोट नगरपालिका वार्ड नं ३ बडगाउ जलुके निवासी हुनुहुन्छ ।
