काठमाडौं । बलात्कार आरोपी मनोज पाण्डेमाथि अनुसन्धान गर्न प्रहरीले अदालतबाट म्याद लिएको छ ।
सौन्दर्य प्रतियोगितामा सहभागि एक युवतीलाई बलात्कार गरेको आरोपमा पक्राउ परेका पाण्डेमाथि थप अनुसन्धानका लागि म्याद लिन प्रहरीले उनलाई सोमबार काठमाडौँ जिल्ला अदालत पु¥याएको थियो ।
शनिबार पक्राउ परेका पाण्डेलाई आज अदालतमा लगिएको थियो। जिल्ला अदालतले अनुसन्धानका लागि ५ दिनको म्याद दिएको जनाइएको छ ।
उनीमाथि सौन्दर्य प्रतियोगितामा सहभागि युवतीले सामाजिक सञ्जालमार्फत् आफुमाथि ६ महिनासम्म बलात्कार गरेको आरोप लगाएकी थिइन् । त्यसपश्चात पाण्डेलाई पक्राउ गरी कानून अनुसार कारबाही गर्न सडक, सदन र सामाजिक सञ्जालबाट तिव्र दबाब आइरहेको थियो ।
मनोज पाण्डेले यौन शोषण गरेको भन्दै तीन जना पीडित प्रहरीमा पुगेका छन् । दुई जनाले जाहेरी नै दिइसकको छन् भने, एक जनाले मंगलबार जाहेरी दिने भएकी छन् ।
एक किशोरीले मानवबेचविखन सम्बन्धी कसुरमा र एक जनाले बालयौन दुरुपयोगको कसुरमा जाहेरी दिएका छन् । अर्की नाबालिगले पनि बाल यौन दूराचारमै जाहेरी दिने तयारी गरेकी छन् ।
सुरुमा घटना सार्वजनिक गरेकी पीडितको बलात्कार मुद्दामा भने हदम्याद नाघेकाले मानव बेचविखनको मुद्दा लगाइने भएको हो ।
