सुर्खेत । अखिल नेपाल राष्ट्रिय स्वतन्त्र विद्यार्थी युनियन (छैठौं) को कर्णाली प्रदेश भेला सम्पन्न भएको छ । संघीयता विरुद्ध काठमाडौं मार्चको तयारीका क्रममा बुधबार सुर्खेतमा सम्पन्न कर्णाली प्रदेश भेलाले नयाँ समिति गठन गरेको छ ।
समितिको अध्यक्ष हरि बुढा, उपाध्यक्ष अर्जुन साही, सचिव, रामबहादुर बस्नेत, कोषायक्ष दिपक पोख्रेल, सदस्यहरु जीवन रेग्मी, बबिता सिमखडा, डिलबहादुर विक र मीना शाही रहनुभएको छ ।
कार्यक्रममा युनियनका अध्यक्ष विमल पोखरेलले संघीयता विरुद्ध मार्चको तयारीमा लाग्न नेताकार्यकर्तालाई निर्देशन दिनुभएको थियो । उहाँले संघीयताको ठूलो नकारात्मक असर कर्णालीमा परेकाले कर्णाली नै जाग्नुपर्ने बताउनुभयो ।
अखिल (छैठौं) सुर्खेतका अध्यक्ष हरि बुढाको अध्यक्षतामा भएको कार्यक्रममा राष्ट्रिय जनमोर्चाका केन्द्रीय सदस्य रत्नविक्रम प्यासी र किसान संघका केन्द्रीय सदस्य तुलसीराम सापकोटाले शुभकामना मन्तव्य राख्नुभएको थियो । भेलापछि बसेको प्रदेश समितिको बैठकले सबै जिल्लामा भेला गर्ने र काठमाडौं मार्चको तयारीको लागि जिम्मेवारी विभाजन गरेको छ ।
