प्युठान । स्वर्गद्वारी नगरपालिका प्युठानमा राष्ट्रिय जनमोर्चाले १५ जना जनप्रतिनिधि निर्वाचित गरेको छ ।
नौ वटा वडा रहेको स्वर्गद्वारीमा राजमोले उपप्रमुखसहित तीन वडाअध्यक्ष र बाँकी सदस्य निर्वाचित गरेको हो । वडा नं २, ६ र ८ राजमोले जितेको छ ।
उपप्रमुखमा मिनराज राना निर्वाचित हुनुभएको छ । रानाले ७ हजार ३७७ मत प्राप्त गर्नुभएको छ ।
यस्तै, वडा नं १ को वडासदस्यमा निमबहादुर पुन (७४३) विजयी हुनुभयो ।
वडा नं २ को अध्यक्षमा बुद्धिराम पुन (११४५) र दलित महिला सदस्य रामकली सुनार (११३४) विजयी हुनुभयो ।
वडा नं ४ मा इन्द्रबहादुर खड्का (९२३), द्रोण बहादुर रावल (९५९) र बबिता विक
(९४१) वडासदस्यमा विजयी हुनुभएको छ ।
यसैगरी, वडा नं ५ को सदस्यमा खेतबहादुर राहु (११६१) र शारदा बुढाथोकी (१२३५) निर्वाचित हुनुभएको छ ।
यस्तै, वडा नं ६ को अध्यक्षमा गिर बहादुर गुरुङ (६९७) र सदस्यमा आशा परियार (७९४) विजयी हुनुभयो ।
वडा नं ७ को सदस्यमा खुमा अधिकारी (६०५) र दामोदर गोराथोकी (६६३) ले जित हासिल गर्नुभएको छ ।
वडा नं ८ को वडाअध्यक्षमा खोप बहादुर राउत क्षेत्री (७८३) र सदस्यहरुमा धनीदेवी सुनार (७८३) विजयी हुनुभयो ।
नगर प्रमुखमा भने गठबन्धनबाट नेपाली कांग्रेसका टेकराज भण्डारी निर्वाचित हुनुभएको छ ।
