सुनसरी । राष्ट्रिय दलित पत्रकार संघ, नेपालको सुनसरी जिल्ला शाखाको अध्यक्षमा दिनेश गजमेर चयन भएका छन् । बुधबार सम्पन्न प्रथम जिल्ला भेलाले गजमेरको अध्यक्षतामा १७ सदस्यीय जिल्ला कार्य समिति चयन गरेको हो ।
समितिको उपाध्यक्षमा शान्ति गजमेर, सचिवमा विनोद दर्नाल, सहसचिवमा बिमला विश्वकर्मा र कोषाध्यक्षमा शकुन्तला त्रिखत्री चयन भएका छन् ।
सुनसरी जिल्लामा रहेर सक्रिय पत्रकारिता गर्दै आएका दलित समुदायको सो भेलाले भीम लामिछाने, उषा परियार, प्रमोद पोर्तेल, भुमिका रसाइली, लोकेन्द्र अछामी, विनोद रसाइली, नविन रम्तेल, सुविन विश्वकर्मा, मनिषा विश्वकर्मा र खिलानाथ विश्वकर्मालाई सदस्य चयन गरेको छ । भेलाले दुई सदस्य भने रिक्त राखेको छ । भेलाले राजन केडी, रणध्वज लोहार र अनिता रसाइलीलाई सल्लाहकार चयन गरेको छ ।
जिल्ला भेला आयोजक समितिका संयोजक तारा लामगादेको अध्यक्षता भएको सो भेलाको उद्घाटन संविधानसभा सदस्य अनिता परियारले गरेकी थिइन् । कार्यक्रममा राष्ट्रिय दलित पत्रकार संघ, नेपालका केन्द्रीय उपाध्यक्ष तथा नेपाल पत्रकार महासंघका केन्द्रीय सदस्य गोपाल बराइलीलगायतले शुभकामना दिएका थिए ।
