उद्धब मगर, दोहा (कतार) ।
कतार नेपाली एकता समाजले १३३ औँ मजदुर दिवस मनाएको छ । कार्यक्रमलाई भर्चुअल माध्यमबाट राष्ट्रिय जनमोर्चाका अध्यक्ष चित्रबहादुर केसीले सम्बोधन गर्नुभएको थियो ।
त्यसक्रममा अध्यक्ष केसीले देशको समसामयिक राजनीतिबारे स्पष्ट पार्नुभयो । उहाँले प्रवासमा रहेर पनि नेपालीहरुले नेपालको लोकतान्त्रिक र क्रान्तिकारी आन्दोलनप्रति योगदान दिएको चर्चा गर्नुभयो ।
देशको राजनीतिक अवस्थामा सुधार नहुँदा लाखौँ नेपाली युवा विदेशिन बाध्य हुनुपरेको चर्चा गर्दै अध्यक्ष केसीले मजदुर, किसानलगायत गरिखाने वर्गको व्यवस्था ल्याउन कठिन संघर्षको लागि जनता तयार हुनुपर्ने बताउनुभयो ।
कतार नेपाली एकता समाजका अध्यक्ष विष्णु थापा क्षेत्रीको अध्यक्षता र माहासचिव खिम बुढा मगरको सन्चालन भएको कार्यक्रममा राजमो नेता आनन्द शर्मा, अन्तर्राष्ट्रिय नेपाली एकता समाजका महासचिव लुमाकान्त पुन मगर, साउदी नेपाली एकता समाजका अध्यक्ष राज कुमार धिताल, सचिव राम प्रसाद पराजुलीले सम्बोधन गर्नुभएको थियो ।
यस्तै, समाजका कोषाध्यक्ष लक्षमण कोइराला, सचिवालय सदस्य टुक थापा, केन्दीय सदस्यहरु हुमाकान्त आचार्य, कमल आचार्य, रण बहादुर परियार रक्त्तिम अभियानका उपाध्यक्ष दिल बहादुर विक, युगदर्शनका सम्वाददाता उद्धब मगर, अलखोर एरिया सचिव सुजन बोहरा, महिला विभाग सदस्य हिरा केसीको उपस्थिती रहेको थियो ।
कार्यक्रममा कतार नेपाली एकता समाजका केन्द्रीय सदस्य मिनराज पुन मगरले स्वागत गर्नु भएको थियो ।
कार्यक्रममा अन्तर्राष्ट्रिय मजदुर दिवसकै दिन अमेरिकामा अमेरिका नेपाली एकता समाजको स्थापना भएको जानकारी दिइएको थियो ।
