यूएई । संयुक्त अरब इमिरेट्स (यूएई) को राजधानी आबुधाबी र विश्व प्रसिद्ध महानगर दुबईमा युएई नेपाली एकता समाज अन्तरगत महिला विभागको आयोजनमा नयाँ वर्ष २०७९ सालको शुभकामना आदानप्रदान कार्यक्रम सम्पन्न भएका छन् ।

दुबई
युएई नेपाली एकता समाज महिला विभाग केन्द्रीय समितिको आयोजनामा १७ अप्रिलका दिन नयाँ वर्ष २०७९ सालको शुभकामना आदानप्रदान कार्यक्रम आयोजना गरियो ।स मितिका अध्यक्ष बिनु केसीको अध्यक्षतामा सम्पन्न कार्यक्रम सचिव निरु शर्माले सन्चालन गर्नुभएको थियो भने स्वागत उपाध्यक्ष तथा रक्तिम विभागकी मिना घिमिरेले गर्नुभएको थियो।

कार्यक्रमका प्रमुख अतिथि युएई नेपाली एकता समाजका सल्लाहकार तथा बुद्धिजीवी लेखनाथ अधिकारी हुनुहुन्थ्यो ।

सो क्रममा अधिकारीले यो नयाँ वर्षले सम्पुर्ण श्रमजीवी नेपाली दाजुभाइ तथा दिदिबहिनीहरुको चेतनामा नयाँ तरंग ल्याओस र त्यो तरंगले देशको आर्थिक, सामाजिक, सांस्कृतिक तथा राजनैतिक फाँटमा नयाँ रंग ल्याओस् भन्दै शुभकामना व्यक्त गर्नुभएको थियो । उहाँले हामी भौतिक रूपमा धेरै टाढा हुन परे पनि देशको प्रत्येक धड्कन हाम्रो मनमुटुमा धड्किएको हुन्छ भन्नुभयो ।

उहाँले भन्नुभयो, ‘देशमा हिउँ पर्दा यहाँ हाम्रो जिउमा काँडा उम्रिन्छ । देशमा हुरी, बतास, असिना आउँदा यहाँ हाम्रो निधारमा पसिना आउँछ । देशमा मंहगी बढ्दा यहाँ हाम्रो ढाड दोब्रिन्छ र राजनीति बिग्रियो भने यहाँ हाम्रो पूरै भविष्य बिग्रन्छ । त्यसकारण देशको राजनीतिलाई गम्भीर रुपले अध्यन गर्नुपर्ने आवश्यकता छ ।’

साथै उहाँले देशको राजनैतिक,आर्थिक तथा सामाजिक क्षेत्रमा अध्यन गर्नु एउटा असल नागरिकको कर्तव्य पनि भएकोले एकता समाजले सामाजिक कामहरुको साथमा असल नगरिकको कर्तव्य बोध गराउने एउटा विश्व विद्यालय हो भन्दै सबैलाई यो विश्व विद्यालयमा भर्ना हुन आह्वान गर्नुभयो ।

कार्यक्रममा विशेष अतिथि युएई नेपाली एकता समजका सक्रिय सदस्य तथा बुद्धिजीवी किरण सापकोटा, अन्य अतिथिहरु बाग्लुङ सेवा समाजका अध्यक्ष रत्न बिक, सैनामैना सेवा समाजका अध्यक्ष केशव ढकाल, समाजसेवी नारायण घिमिरे, समाजसेवी नारायण पौडेल, उषा भन्डारी, अम्बिका घिमिरे, सीता थापा, पार्वती अर्याल र कमला बस्यालले शुभकामना दिनुभएको थियो।

आबुधाबी
आबुधाबीमा पनि महिला विभाग क्षेत्रीय समितिको आयोजनामा नयाँ वर्षको शुभकामना आदानप्रदान कार्यक्रम सम्पन्न गरिएको छ । समितिका अध्यक्ष खिममाया तिवारीको अध्यक्षता तथा युएई नेपाली एकता समाजका कार्यवाहक अध्यक्ष दिनेश थापाको प्रमुख आतिथ्यतामा कार्यक्रम सम्पन्न भएको हो ।

सचिव बिना तामाङले सन्चालन गर्नुभएको उक्त कार्यक्रममा उपाध्यक्ष मन्जु एडीले स्वागत गर्नुभएको थियो भने रक्तिम कलाकारहरुले गीतद्वारा स्वागत गरेक थिए ।

कार्यक्रमका प्रमुख अतिथि थापाले नयाँ वर्षको शुभकामना मन्तव्य राख्दै युएई नेपाली एकता समाजले युएई स्थित सम्पूर्ण मेहनतकश नेपालीको पक्षमा खेलेको भूमिकाबारे चर्चा गर्नुभयो । समाजले गर्ने प्रत्येक गतिविधि तथा कार्यक्रमले देशको माटोलाई नै मलिलो बनाउने भएकोले निर्धक्कसँग एकता समाजको झन्डामुनी गोलबन्ध हुन सबैलाई आह्वान गर्नुभयो ।

कार्यक्रमका युएई नेपाली एकता समाजका उपाध्यक्ष अर्जुन उपाध्याय, महासचिव टीकाराम नेपाली, केन्द्रीय सदस्य तथा रक्तिम विभागका शोब बहादुर परियार, आबुधाबी क्षेत्रीय सदस्य अर्जुन खनाल, क्षेत्रीय सदस्य तथा रक्तिम कलाकार उपेन्द्र नेपाली, एकता समाज आइकार्ड एरिया समितिका अनिल श्रेष्ठ, समाजसेवी भक्त बहादुर विक, अर्जुन विक, जुनु बिसि, कुमारी तामाङ, कल्पना बरुवाल, मनकला परियार, आरती श्रेष्ठ, राजेन्द्र क्षेत्री, रामसुन्दर थारुले शुभकामना मन्तव्य राख्नुभएको थियो ।