अर्घाखाँची । यही वैशाख ३० गते हुने स्थानीय तहको निर्वाचनलाई केन्द्रित गर्दै अर्घाखाँचीको भूमिकास्थान नगरपालिका वार्ड नम्बर १ र २ मा अखिल नेपाल युवक संघ र अखिल (छैठौं) संयुक्त भेला सम्पन्न भएको छ ।
आइतबार पिपलनेटामा सम्पन्न भेलालाई सम्बोधन गर्दै अखिल (छैठौं) का केन्द्रीय अध्यक्ष देवेन्द्र कुँवर र अखिल नेपाल युवक संघका केन्द्रीय सदस्य कृष्ण खनालले स्थानीय तहको निर्वाचनमा राष्ट्रिय जनमोर्चाका उम्मेदवारहरुलाई गिलास चिन्हमा मतदान गरि अत्यधिक मतले विजयी गराउन युवा विद्यार्थीलाई अनुरोध गर्नुभयो ।
कार्यक्रममा अखिल (छैठौं) का केन्द्रीय सदस्य तथा अर्घाखाँची जिल्ला अध्यक्ष जीवन नेपाली, अखिल (छैठौं) का केन्द्रीय सदस्य तथा लुम्बिनी प्रदेश समिति सदस्य टेकराज भुसाल, भूमिकास्थान नगरपालिका वार्ड नम्बर १ का वडाध्यक्ष भोजराज खनाल, वार्ड नम्बर २ का वडाध्यक्ष बुद्धि बहादुर थापा लगायतको आतिथ्यता रहेको थियो।
भेलाले भूमिकास्थान १ मा मेघनाथ खनाल संयोजक र रामु नेपाली सहसंयोजक रहेको ९ सदस्यीय चुनाव परिचालन समिति तथा जीवन नेपाली संयोजक रहेको १०१ सदस्यीय निर्वाचन प्रचारप्रसार समित गठन गरेको छ।
त्यस्तै, भूमिकास्थान २ मा गणेश सुनार संयोजक र दोण बेल्वासे सहसंयोजक रहेको ९ सदस्यीय निर्वाचन परिचालन समिति तथा टेकराज भुसाल संयोजक रहेको १५१ सदस्यीय निर्वाचन प्रचारप्रसार समिति गठन गरेको छ।
