पूर्वी नवलपरासी । गैंडाकोटको जनक कलेजका एक शिक्षकले छात्रालाई दुर्व्यवहार गरेको भन्दै आक्राशित विद्यार्थीले कलेजमा तोडफोड गरेका छन् ।
४ दिनअघि एक शिक्षकले छात्रालाई अश्लिल भिडिओ देखाएर हिंसा गरेको भन्दै विद्यार्थी आन्दोलमा उत्रिएका हुन्। आशोशित विद्यार्थीले दुईवटा मोटरसाइकलमा आगो लगाएर जलाइदिएका छन् ।
विद्यार्थीले कलेजमा तोडफोड र आगजनी गर्न थालेपछि प्रहरीले हस्तक्षेप गरेको छ । स्थिति नियन्त्रणमा लिन प्रहरीले दुई राउण्ड हवाइफायर गर्नुका साथै ७ सेल अश्रुग्यास प्रहार गरेको छ ।
जिल्ला प्रहरी प्रमुख प्रज्वल मर्हजनले आरोपी शिक्षकलाई नियन्त्रणमा लिएको जानकारी दिनुभयो । त्यसक्रममा नेपाल प्रहरी र सशस्त्र प्रहरीका गरी ८ जना घाइते भएको उहाँले बताउनुभयो । विद्यार्थी तर्फ पनि केही घाइते भएका छन् ।
आन्दोलित विद्यार्थीले अश्लील भिडिओ देखाउने शिक्षकलाई कारबाही गर्नुपर्ने माग राखेका छन् ।
घटना घटेको चार दिन बितिसक्दा पनि कारबाही प्रक्रिया सुरु नभएपछि विद्यार्थीहरु आक्रोशित भएका हुन्।
