खिमराज चालिसे, चंडिगढ ।
भारतको पञ्जाव राज्यको लुधियानामा हृदयघातका कारण निधन भएका विनोद थापाको परिवारलाई मूल प्रवाह अखिल भारत नेपाली एकता समाजले सहयोग दिलाएको छ ।
५२ वर्षीय थापाको परिवारलाई मूलप्रवाहले मालिकबाट ७८ हजार ८०० रुपैयाँ सहयोग दिलाएको छ।
लुधियानाको घण्टाघर स्थित एक रेस्टुरेन्टमा कार्यरत थापाको बिहीबार राति सुतिरहेको अवस्थामा निधन भएको थियो ।
सो घटनाबारे थाहा पाएपछि मूल प्रवाहका केन्द्रीय सल्लाहकार रामचन्द्र पौडयाल र नगर समितिका मान बहादुर आले घटनास्थल पुगी आवश्यक जाँचबुझ समेत गरि मृतकका आश्रितलाई सहयोग गर्नुपर्ने माग राख्नुभएको थियो ।
मालिकसँगको लामो छलफल पश्चात ७८ हजार आठ सय रुपैयाँ नेरु नगद सहयोग गर्ने सहमति अनुसार शुक्रबार रकम हस्तान्तरण गरिएको हो ।
सुतिरहेको अवस्थामा ह्रदयघातका कारण निधन भएको अनुमान गरिए पनि मृत्युको वास्तविक कारण पत्ता लगाउन पुलीस अनुसन्धान चलिरहेको मूल प्रवाहका सल्लाहकार पौड्यालले बताउनु भएको छ ।
मृतक विनोद थापा अर्घाखाँची जिल्लाको भूमिकास्थान नगरपालिका– ५ असुरकोटका बासिन्दा हुनुहुन्थ्यो ।
