रामदेव पाण्डे, काठमाडौँ ।
प्युठानको झिमरुक गाउँपालिका वडा नं ४ का जगतबहादुर थापा आत्मालोचना पुनः राजमोमै फर्किनुभएको छ ।
गत चैत १४ गते एमालेमा प्रवेश गरेका थापाले त्यो घटनालाई आफ्नो गम्भीर कमजोरी भएको स्वीकार्नुभएको छ ।
‘कुनै अन्तरविरोध बिना, कुनै अन्तरसंघर्ष बिना, त्यसरी पार्टी छोड्नु, अन्य पार्टी समर्थकसम्मलाई भ्रम पार्नु मेरो ठूलो गम्भीर गल्ती कमजोरी भयो’ आत्मालोचना गर्दै थापाले भन्नुभएको छ, ‘एमाले जस्तो अवसरवादी, ढुलमुल गैह्र कम्युनिष्ट विचारबाट देश र जनताको मुक्ति नहुेन हुँदा त्यस्ता गैर राजनीतिक पार्टीमा म स्वयम् भ्रममा नपर्ने र अरुलाई पनि भ्रममा नपर्न जानकारी गराउँछु ।’
साथै, थापाले भूलबस पार्टी छोडेर अन्यत्र गएका साथीहरुलाई समेत मूलघर राष्ट्रिय जनमोर्चामै फर्कन आह्वान गर्नुभएको छ।
गत चैत १४ गते एमाले नेता सूर्य थापाले जगतबहादुर थापासहित दुई जनालाई एमालेमा प्रवेश गराउँदै सो गाउँका ९७ घरधुरी एमाले भएको प्रचार गराएका थिए । एमालेमा गएको एक हप्तामै थापाले कमजोरी महसुुस गरी आफू राजमोमै प्रतिवद्ध रहने स्पष्ट पार्नुभएको हो ।
