गिरीप्रसाद बुढा, वीरेन्द्रनगर ।
सुर्खेतको चौकुने गाउँपालिकामा राष्ट्रिय जनमोर्चा चुवावी भेला सम्पन्न भएको छ । प्रदेश अध्यक्ष गिरीप्रसाद बुढाको प्रमुख आतिथ्यमा २०७८ चैत १२ गतेका दिन सो भेला सम्पन्न भएको हो ।
भेलाले खुशिजङ्ग बस्नेतको अध्यक्षतामा तीन सदस्यीय निर्वाचन परिचालन मूल समिति गठन गरेको छ, जसमा तिलक बुढामगर र प्रेमा थापा सदस्य रहनुभएको छ ।
त्यसैगरी पदमसिंह विकको संयोजकत्वमा चार सदस्यीय प्रचार प्रसार समिति गठन गरेको छ, जसमा सरिता विक, बालाराम विक र दानबहादुर विक सदस्य रहनु भएको छ ।
भेलाले निर्वाचनको कार्यसँगसँगै चौकुने गाउँपालिकाको दशओटै वडामा सङ्गठन विस्तार तथा सदस्यता वितरणका कार्यलाई पनि सञ्चालन गर्ने निर्णय गरेको बताइएको छ ।
भेलामा राजमो कर्णाली प्रदेशका सदस्य धर्मराज उपाध्याय, प्रदेश सल्लाहकार थानेश्वर तिवारी, राजमो पञ्चपुरी नगरपालिकाका कोषाध्यक्ष विष्णुबहादुर शाहीलगायत नेताहरूको उपस्थिति रहेको थियो ।
भेलामा राजमो प्रदेश अध्यक्ष गिरिप्रसाद बुढा तथा सचिव पूर्णबहादुर शाहीले तात्कालिक राजनीतिक परिस्थिति, चुनावसम्बन्धी राजमोको नीतिलगायतका विषयमा प्रशिक्षणदिनु भएको थियो ।
त्यसैगरी, सोही दिन राजमो प्रदेशका अध्यक्ष गिरीप्रसाद बुढा र सचिव पूर्णबहादुर शाहीको विशेष उपस्थितिमा पञ्चपुरी नगरपालिकामा पनि चुनावी भेला सम्पन्न भएको छ ।
भेलाले थानेश्वर तिवारीको संयोजकत्वमा तीन सदस्यीय निर्वाचन परिचालन मूल समिति गठन गरेको छ । समितिमा विष्णुबहादुर शाही र वीरबहादुर थापा सदस्य रहनुभएको छ ।
त्यसरी नै शशिराम कँडेलको संयोजकत्वमा तीन सदस्यीय प्रचार प्रसार समिति गठन गरेको छ, जसमा बासुदेव कँडेल र गोकर्ण शाही सदस्य रहनुभएको छ ।
भेलाले पञ्चपुरी नगरपालिकाअन्तर्गतका एघारओटै जिल्लामा पार्टीको राजनैतिक लाइनको प्रचार र विरोधी शक्तिका गलत क्रियाकलापको भण्डाफोर गर्दै चुनाव प्रचार प्रसार अभियानलाई तीव्रता दिने निर्णय भएको बताइएको छ ।
भेलामा प्रदेश समितिका अध्यक्ष गिरीप्रसाद बुुढा र सचिव पूर्णबहादुर शाहीले प्रशिक्षण दिनुभएको थियो ।
