काठमाडौं । काठमाडौंको बूढानीलकण्ठ नगरपालिका वडा नं १० बालवाखानीमा रहेको फेरिल्याण्ड इन्टरनेसनल स्कुलका विद्यार्थीलाई शैक्षिक भ्रमण गराइएको छ ।
कक्षा एल केजीदेखि ८ सम्मका विद्यार्थीलाई तह अनुसार विभिन्न स्थानको भ्रमण र अवलोकन गराइएको प्रिन्सिपल विष्णुचन्द्र अधिकारीले जानकारी दिनुभयो ।
सोही क्रममा शुक्रबार कक्षा ३, ४ र ५ का विद्यार्थीलाई पर्यटकीय स्थल गोदावरीको भ्रमण गराइएको छ । कार्यक्रममा बालकालिकाले पर्यटकीय क्षेत्रको अवलोकनसँगै प्रकृतिसँग खेल्ने र सिक्ने मोका पाएको विद्यालयले जनाएको छ ।
यसअघि चैत १ र ३ गते क्रमशः कक्षा एल केजी तथा यूकेजी मा अध्ययनरत विद्यार्थीलाई राष्ट्रिय सदर चिडियाखानको अध्ययन भ्रमण गराइएको थियो । सानो कक्षाका कलिला बालबालिकाहरुलाई घरपालुवा तथा जङ्गली जनावर, पंछीका बारेमा अवगत गराउँदै मनोरञ्जन प्रदान गरिएको थियो ।
यस्तै, चैत २ र ३ गते कक्षा ६, ७ र ८ मा अध्ययनरत विद्यार्थीलाई एक रात घर बाहिर बस्ने र साथीहरुसँग घुलमिल हुन तथा स्वालम्वी बनाउने उदेश्यका साथ काठमाडौंको लप्सिफेदीमा अध्ययन भ्रमण गराइयो । सो अवसरमा सिन्धुपाल्चोक जिल्लाको भोटेचौर स्थित चिया बगानको भ्रमण तथा हाइकिङ गराइएको थियो ।
यस अवसरमा विद्यालयका संस्थापक प्रिन्सिपल अधिकारीले यस्ता अध्ययन भ्रमणले विद्यार्थीहरुमा अन्तर्निहित प्रतिभाहरू प्रस्फुटन गराउन मद्दत पुर्याउन सहयोग पुग्ने बताउनु भयो । संस्थापक निर्देशक राम प्रसाद गौतमले यस्ता कार्यक्रमहरु विद्यालयले अतिरिक्त क्रियाकलपको रूपमा गर्दै आएको बताउनु भयो ।
विद्यालयका शिक्षक विनोद अधिकारीलगायत शिक्षक शिक्षिकाहरुले उनीहरूलाई भ्रमणमा सहयोगीका रुपमा भाग लिनु भएको थियो ।
