केरसिंह अदै, कपिलवस्तु ।
कपिलवस्तुको शिवराज नगरपालिकामा राष्ट्रिय जनमोर्चाको भेला तथा प्रशिक्षण अभियान जारी छ । त्यसक्रममा सदस्यता वितरण तथा संगठन निर्माणको कामसमेत तीब्र गतिमा भइरहेको छ । नगरमा दुई टिम बनाएर कार्यक्रम अगाडि बढाइएको राजमो शिवराज नगर समितिले जनाएको छ ।
नगर अध्यक्ष केहर सिंह पुनको नेतृत्वमा वडा नं १, २, ९ र ५ तथा अखिल नेपाल ट्रेड युनियन महासंघ (अन्टुक) का केन्द्रीय सदस्य तथा राजमो जिल्ला सल्लाहकार केर सिंह अदैको नेतृत्वमा वडानं ३, ४, ११ र ६ मा अभियान सञ्चालन भइरहेको छ।
ती दुवै टोलीको चैत महिना भरी कार्यक्रम तय गरिएको छ । जसअनुसार शिवराज नगर पालिका वडा नं ३ को कटुवा र शान्ति टोलमा प्रशिक्षण कार्यक्रम सम्पन्न भएको छ । कार्यक्रममा अन्टुकका केन्द्रीय सदस्य तथा राजमो जिल्ला सल्लाहकार केर सिंह अदै, राजमो जिल्ला कोषाध्यक्ष चेत नारायण खनाल, जातीय समता समाजका केन्द्रीय सल्लाहकार दिल बहादुर विक, बुद्धिजिवी संघका जिल्ला सदस्य छन्द बहादुर केसीले प्रशिक्षण दिनु भएको थियो ।
यसैगरी शिवराज नगर पालिका वडा नं १ को बुद्ध नगरमा राष्ट्रिय जनमोर्चाको टोल समिति गठन गरिएको छ । समितिको अध्यक्षमा भागीराम घर्ती, सचिव विनय बुढाथोकी, कोषाध्यक्ष तारादेवी घर्ती मगर तथा सदस्यहरू कृष्ण बहादुर बस्नेत, टीका बहादूर बुढा मगर, राधा घर्तीमगर, शारदा घर्तीमगर, भीम देवी घर्ती मगर, राम बहादुर चौधरी, भीम बहादुर घर्ती, रेशम घर्तीमगर रहनुभएको छ । सल्लाहकारमा बेगम बुढा, मैत बहादुर सुनार रहनु भएको छ ।
अन्टुकका केन्द्रीय सदस्य तथा राष्ट्रिय जनमोर्चा जिल्ला सल्लाका र केर सिंह अदै, राजमो जिल्ला सदस्य तथा नगर अध्यक्ष केहर सिंह पुन, राजमो नगर कोषाध्यक्ष तथा रक्तिम सांस्कृतिक अभियान शिवराज नगर समिति अध्यक्ष बेगम बुढा, मइत बहादुर सुनारले समसामयिक विषयमा प्रकाश पार्नु भएको थियो ।
यसैगरी नोडिय, चैनपुर, रतकोल र चानौताको सन्तोष टोलमा भेटघाट सहित सदस्यता वितरण कार्यक्रम सम्पन्न भएको छ।
