काठमाडौँ । कथित राष्ट्रिय जनमोर्चा समन्वय समितिले आफ्नो नाम कपिलवस्तु जिल्ला समितिको सहसचिवमा राखेपछि विमला श्रेष्ठले आफू चित्रबहादुर केसी अध्यक्ष रहनुभएको राष्ट्रिय जनमोर्चामै आबद्ध रहेको बताउनुभएको छ ।

गत चैत ८ गतेको कथित भेलाबाट आफ्नो सहमति विपरीत नाम राखेपछि चैत ९ गते स्पष्टीकरण दिँदै श्रेष्ठले सो जानकारी दिनुभएको हो ।
श्रेष्ठले भन्नुभएको छ–

“२०७८ चैत ८ गते राष्ट्रिय जनमोर्चा समन्वय समिति जिल्ला भेलामा एकैछिन काम छ भनी बोलाएर त्यहाँ म उपस्थित भएँ । भेला रहेछ । म यो समितिमा बस्दिनँ भन्दाभन्दै मेरो नाम सहसचिवमा राखियो । मेरो फोटो, नाम समाचारमा नराख्नू भन्दाभन्दै राखियो । त्यसमा मेरो सहमति छैन । म पुरानै पार्टी राष्ट्रिय जनमोर्चामा आबद्ध छु । भ्रममा नपर्न अनुरोध गर्दछु ।”