काठमाडौं । ग्रीन भेन्चर्स लिमिटेडको आईपीओ आजदेखि निष्काशन तथा बिक्री खुला भएको छ । कम्पनीले ३१ करोड २५ लाख रुपैयाँ बराबरको आईपीओ बिक्री खुला गरेको हो।
कम्पनीको सेयर निष्काशन तथा बिक्री प्रबन्धक लक्ष्मी क्यापिटल मार्केट लिमिटेड कम्पनीले प्रतिसेयर १०० अंकित मूल्यका ३१ लाख २५ हजार कित्ता साधारण सेयर निष्काशन गरेको हो।
त्यसमा ३ प्रतिशत अर्थात ९३ हजार ७५० कित्ता सेयर कर्मचारीहरुका लागि, ५ प्रतिशत अर्थात १ लाख ५६ हजार २५० कित्ता सामूहिक लगानी कोष र २८ लाख ७५ हजार कित्ता सेयर सर्वसाधारणका लागि छुट्याइएको हो।
कम्पनीको आईपीओमा चैत ११ गते सम्ममा आवेदन दिन पाइन्छ। उक्त अवधिमा सबै शेयर बिक्री नभए चैत २२ गतेसम्म म्याद थप गरिनेछ।
लगानीकर्ताले न्यूनतम १० कित्ता र अधिकतम ५० हजार कित्तासम्मका लागि आवेदन दिन सक्ने बिक्री प्रबन्धक कम्पनीले जनाएको छ।
बलेफी हाइड्रोपावरको १८ करोडको सेयर चैत १६ देखि
बलेफी हाइड्रोपावर लिमिटेडले यही चैत १६ गतेदेखि सर्वसाधारण लगानीकर्ताका लागि साधारण शेयरको निष्कासन तथा बिक्री खुला गर्ने भएको छ।
कम्पनीले प्रतिकित्ता सय रुपैयाँ अङ्कित मूल्यमा १८ करोड २७ लाख ९७ हजार रुपैयाँ मूल्यबराबरको १८ लाख २७ हजार ९७० कित्ता प्रारम्भिक सार्वजनिक निष्काशन ९आईपीओ०को बिक्री खुला गर्ने लागेको हो।
निष्काशन गरिने सेयरमध्ये कुल निष्काशनको चार प्रतिशत अर्थात् ७३ हजार ११९ कित्ता कम्पनीका कर्मचारीलाई, पाँच प्रतिशत अर्थात् ९१ हजार ३९८ कित्ता सेयर सामूहिक लगानी कोषलाई बाँडफाँट गरी बाँकी १६ लाख ६३ हजार ४५३ कित्ता सेयर सर्वसाधारणलाई निष्काशन गरिने कम्पनीले जनाएको छ।
यसअघि कम्पनीले सिन्धुपाल्चोक जिल्लाको आयोजना प्रभावित क्षेत्रमा बसोबास गर्ने स्थानीय बासिन्दाका लागि सेयरको निष्काशन तथा बिक्री खुला गरी बाँडफाँट समेत गरिसकेको छ।
कम्पनीले सार्वजनिक गरेको आह्वान पत्रानुसार सर्वसाधारणले यही चैत १६ देखि छिटोमा चैत २१ सम्म र सो अवधिमा मागबमोजिम आवेदन नपरे यही महिनाको ३० गतेसम्म न्यूनतम १० कित्तादेखि अधिकतम एक लाख कित्ता सेयर खरिदका लागि आवेदन दिन पाउनेछन्।
कम्पनीले हाल सिन्धुपाल्चोकको जुगल गाउँपालिका क्षेत्रमा पर्ने बलेफी खोलामा कुल ३६ मेगावाट क्षमताको बलेफी हाइड्रोपावर आयोजना निर्माण गरिरहेको छ।
कम्पनीले आयोजना निर्माणको कुल अनुमानित लागत सात अर्ब ६५ करोड हुने जनाएको छ।
