धर्म पहरी, बैंगलोर ।
मूल प्रवाह अखिल भारत नेपाली एकता समाज बैंगलोर उत्तर र दक्षिण नगर समितिको संयुक्त आयोजनामा आठौं ऐतिहासिक राष्ट्रिय सम्मेलनको सन्देश सभा सम्पन्न भएको छ ।
तिलक बहादुर केसीको अध्यक्षता र भतर ओडको सञ्चालनमा प्रमूख अथिती मूल प्रवाहका केन्द्रीय सदस्य तथा क्षेत्रीय समितिका सचिव जनकराज पौडेल हुनुहुन्थ्यो ।
कार्यक्रमलाई सम्बोधन गर्दै पौडेलले संगठनभित्र अनुशासनको पालना नगरी आफ्नो व्यक्तिगत स्वार्थलाई प्राथमिकता दिन खोज्ने अवसरवादी प्रवृतीलाई किनारा लगाउँदै आफ्नो ऐतिहासिक आठौं राष्ट्रिय अखिल भारत सम्मेलन सफल पारेको बताउनुभयो ।
लाखौं नेपाली दाजु भाइ दिदी बहिनीहरुको बीचमा सन्देश शभाहरु भइसकेका र एकताको झण्डा लोगो र दर्तालाई पनि सुरक्षित राख्न आठौं राष्ट्रिय सम्मेलनले सन्देश दिएको बताउनुभयो ।
कार्यक्रममा समाजका केन्द्रीय वैकल्पिक सदस्य नरेश विक , उत्तर नगर समितिका अध्यक्ष तथा केन्द्रीय परिषद सदस्य धर्म पहरी, क्षेत्रीय उपाध्यक्ष तथा केन्द्रीय परिषद् सदस्य दशरथ विक, केन्द्रीय महिला विभाग सदस्य पार्वती विक, क्षेत्रीय महिला विभागकी सदस्य दुरा पहरी, क्षेत्रीय समितिका सदस्य तथा पँन्डेचरी नगर अध्यक्ष डिल्ली प्रसाद शर्माको आतिथ्यता रहेको थियो ।
ज्ञात अज्ञात शहिदहरुप्रति एक मिनट मौन धारणा पछि रक्तिम कलाकारहरुले गीतबाट स्वागत गर्नुभएको थियो भने स्वागत मन्तव्य रमेश विकले गर्नु भएको थियो ।
कार्यक्रममा दक्षिण नगर समितिले नगर स्तरीय कलाकारहरुलाई भैलोको सन्दर्भमा सान्त्वना पुरस्कार पनि प्रदान गर्ने निर्णय गरेको थियो । पुरस्कार प्रमुख अतिथि केन्द्रीय सदस्य जनकराज पौडेलले हस्तान्तरण गर्नु भएको थियो ।
