बागलुङ । राष्ट्रिय जनमोर्चा ढोरपाटनको कार्यकर्ता भेला तथा प्रशिक्षण कार्यक्रम शनिवार सम्पन्न भएको छ । कार्यक्रममा राष्ट्रिय जनमोर्चाका केन्द्रीय सदस्य तथा जिल्ला समन्वय समिति बागलुङका प्रमुख राजेन्द्र ढुङ्गानाले सम्बोधन गर्दै जनताले सही र गलत राजनीतिको फैसला गर्ने दिन आएको भन्दै सत्य र निष्ठाको राजनीतिलाई जनताको माझमा लैजान कार्यकतालाई आग्रह गर्नुभयो ।
कार्यक्रममा बोल्दै राष्ट्रिय जनमोर्चाका केन्द्रीय सदस्य एवं गण्डकी प्रदेश सहइन्चार्ज गौरीश्वर पाण्डेले राष्ट्रिय जनमोर्चाको नीति र विचारले नै जनताको मुक्ति सम्भव भएको हुनाले ढुक्क भएर जनताको माझमा जान र ढोरपाटन नगर सरकारले गरेको गलत क्रियाकलापलाई भण्डाफोर गर्न आग्रह गर्नुभयो ।
कार्यक्रममा राष्ट्रिय जनमोर्चाका गण्डकी प्रदेश उपाअध्यक्ष तथा भूमी आयोग बागलुङका अध्यक्ष धर्म बहादुर कुँवर, प्रदेश सदस्य खिमविक्रम शाही लगायत नेताहरुले मन्तव्य राख्नुभएको थियो ।
कार्यक्रममा नगर प्रमुख उपप्रमुखको लागिगी सुझाव समेत सङ्कलन गरिएको थियो । उक्त भेलाले दीपक थापाको संयोजकत्वमा ११ सदस्यीय निर्वाचन परिचालन समिति गठन गरेको छ । जसमा धन बहादुर अदै, तुल्सीराम खरेल, खुम बहादुर अदै ,निम बहादुर बुढा, हिरा बहादुर खत्री, तम बहादुर घर्ती, कुल बहादुर छन्त्याल, सुशिला पुन, टेकमाया सिर्पाली रहनु भएको छ ।
यस्तै, धन बहादुर कुवँरको संयोजकत्वमा ७ सदस्यीय आर्थिक परिचालन समिति, धन बहादुर अदैको संयोजकत्वमा स्वयमसेवक परिचालन समिति, तुल्सीराम खरेलको संयोजकत्वमा ३०१ सदस्सीय निर्वाचन प्रचार प्रसार समिती गठन गरिएको छ । कार्यक्रम नगर अध्यक्ष दीपक थापाको अध्यक्षता, सचिव तुल्सीराम खरेलको स्वागत तथा दुर्गा भण्डारीको सञ्चालनमा सम्पन्न भएको थियो ।
