लिबाङ । एम.सी.सी. खारेज गर्न माग गर्दै रोल्पाका विभिन्न स्थानमा विरोधसभा तथा मसाल जुलुस सम्पन्न भएका छन् ।
राष्ट्रिय जनमोर्चा र नेपाल कम्युनिस्ट पार्टी विप्लव पक्षको आयोजनामा २०७८ फागुन २१ गते जिल्लाका विभिन्न स्थानमा ती कार्यक्रम सम्पन्न भएका हुन् ।
राजमो नेता हस्तमणि पुनले दिनुभएको जानकारीअनुसार रोल्पा परिवर्तन गाउँपालिका–३ बागमारा बजारमा विरोधसभा सम्पन्न भएको छ ।
कार्यक्रमलाई राजमो जिल्ला सदस्य केबी थापा, नेकपाका गाउँपालिका इन्चार्ज पृथ्वीविक्रम डाँगी तथा सोही गाउँपालिकाका नेकपा नेता गणेशबहादुर बुढाले सम्बोधन गर्नुभएको थियो ।
भरत रिजालको अध्यक्षतामा अघि बढेको सो कार्यक्रममा नेकपा परिवर्तन गाउँपालिका–३ का सचिव राजन डाँगीले सञ्चालन गर्नुभएको थियो ।
त्यस्तै, सिमपानीमा एम.सी.सी. को विरुद्धमा मसाल जुलुस सम्पन्न भएको थियो । त्यस क्रममा सम्पन्न कोणसभालाई राजमो रोल्पाका सचिव डम्बर खड्काले सम्बोधन गर्नुभएको थियो ।
एवम् प्रकारले पाङमा सम्पन्न मसाल जुलुसपछिको कोणसभालाई राजमो जिल्ला उपाध्यक्ष अनराम पुनले सम्बोधन गर्नुभएको थियो ।
त्यसैगरी, बडाचौरमा सम्पन्न मसाल जुलुसपछि आयोजित कोणसभालाई राजमो जिल्ला सदस्य खिमलाल विष्टले सम्बोधन गर्नुभएको थियो ।
एम.सी.सी. को विरोधमा रोल्पाको घोडागाउँमा पनि मसाल जुलुस र कोणसभा सम्पन्न भएको थियो । कार्यक्रमलाई राजमो जिल्ला सदस्य बुद्धिबहादुर राउतले सम्बोधन गर्नुभएको थियो ।
त्यस्तै, घारपानीमा मसाल जुलुसका साथै कोणसभा सम्पन्न भएको छ । त्यहाँ अखिल नेपाल जनजाति सम्मेलनका जिल्ला अध्यक्ष टङ्क पुन र राजमो जिल्ला सदस्य भी.के. पुनले सम्बोधन गर्नुभएको थियो ।
रोल्पाकै ह्याङमा पनि मसाल जुलुसका साथै कोणसभा सम्पन्न भएको छ । कोणसभालाई राजमो जिल्ला सदस्य भागिराम विक, नेकपाका जिल्ला सदस्य पोकलाल विक र जातीय समता समाजका हरि विकले सम्बोधन गर्नुभएको थियो ।
नेकपा त्रिवेणी गाउँपालिका–२ का इन्चार्ज गणेशले कोणसभाको सञ्चालन गर्नुभएको थियो ।
एवम् प्रकारले थबाङमा सम्पन्न मसाल जुलुसपछिको कोणसभालाई राजमो जिल्ला सदस्य धनप्रसाद बुढाले सम्बोधन गर्नुभएको थियो ।
अरेसमा सम्पन्न एम.सी.सी. विरुद्धको मसाल जुलुसपछिको कोणसभालाई राजमो जिल्ला सदस्य भी.के. टमटाले सम्बोधन गर्नुभएको थियो ।
