खलङ्गा । अखिल (छैठौं) प्युठान जिल्ला समितीले “विद्यालयदेखि विश्वविद्यालयसम्म” विशेष सङ्गठनात्मक अभियानको २०७८ फागुन ६ गते उद्घाटन गरेको छ ।

झिमरुक गाउँपालिकाको अम्मरसिंह मावि सौतामारेमा एक कार्यक्रमबिच युनियनका महासचिव सुवाश जिसीले उद्घाटन गर्नुभएको हो ।

उद्घाटन कार्यक्रममा बोल्दै जिसीले अखिल (छैठौं) ले इतिहासका कालखण्डहरूमा जिम्मेवारीपूर्वक देश र जनताको पक्षमा आफ्नो आवाज बुलन्द पारेको वताउनुभयो ।

विद्यालयदेखि विश्वविद्यालयसम्म अभियान, विद्यार्थीलाई सुसूचित र जागृत गर्ने अभियान भएको बताउँदै उहाँले अहिले एम.सी.सी. विरुद्ध जनचेतना जगाउने अभियानको रूपमा सम्पन्न गर्न शुभकामनासमेत दिनुभयो ।

उहाँले एम.सी.सी. देख्दा विकास गर्न दिइएको अनुदान तर सारमा राष्ट्रघाती भएको बताउनुभयो ।

जिसीले भन्नुभयो– “यो मुसालाई राखेको औषधी जस्तै हो, देख्दा बाहिर घ्युको पिठो तर भित्र विष मिसाइएको छ । यसले हाम्रो देशको राष्ट्रियतामा गम्भीर सङ्कट पैदा गर्ने छ ।’

कार्यक्रममा अन्य अतिथि अखिल (छैठौं) का केन्द्रीय सदस्य चोपबहादुर विकले जनवादी शिक्षाको विषयमा मन्तव्य राख्नुभएको थियो ।
त्यसैगरी अखिल (छैठौं) प्युठान जिल्ला अध्यक्ष नवीन केसीले विद्यार्थीका कर्तव्यका विषयमा मन्तव्य राख्नुभएको थियो ।

कार्यक्रमको अध्यक्षता अम्मरसिंह माविका एकाइ अध्यक्षले गर्नुभएको थियो भने स्वागत एकाइ सचिव प्रवीणकुमार क्षेत्रीले गर्नुभएको थियो ।
कार्यक्रमपछि भएको भेलाले प्रवीणकुमार क्षेत्रीको अध्यक्षतामा ४५ सदस्यीय एकाइ समिति चयन गरेको छ । समितिको उपाध्यक्षमा मनिसा विक, सचिवमा नवीन विक, सहसचिवमा राजेश सुनार र कोषाध्यक्षमा विवस राउत चयन हुनुभएको छ ।

त्यसैगरी सदस्यहरूमा विपना जिएम, विन्दु महत, सुनिता खनाल, आचल राउत, किरण महत, निर्मला धिमिरे, मनिसा विक, अस्मिता विक, सन्दिपा विक, प्रविण विक, सुजाता क्षेत्री, सरिता विक, राजीव विक, लक्ष्मी विक, सलिना खड्का, अस्मिता विक, सौरव विक, सोनिया सुनार, विन्दु जिसी, जुना भुसाल, सुजाता जिसी, गङ्गा जिसी, विद्या जिसी, लक्ष्मी जिसी, रजिना जिसी, सुप्रिया जिसी, ऋता जिसी, धनमाया सुनार, सुरज ताम्राकार, कुशुम सुनार, सरिता विक, सोनिया सुनार, सीता थापामगर, सर्मिला सुनार, अन्जु सुनार, रन्जु जिसी, सरिता थापामगर, सौरभ विक र सागर अधिकारी रहनुभएको छ ।