काठमाडौँ । प्रतिनिधि सभाको कार्यव्यवस्था परामर्श समितिको बैठक एम.सी.सी. आज पेस नगर्ने निर्णयका साथै सकिएको छ ।

सभामुख अग्नि सापकोटाले बोलाएको आज बुधवारको बैठकमा अमेरिकी सहयोग एम.सी.सी. सम्झौता पेस गर्ने/नगर्ने विषयमा छलफल भए पनि आज पेस नगर्ने सहमति भएको हो ।

बैठक चल्दै गर्दा सभामुखले प्रधानमन्त्री शेरबहादुर देउवा र माओवादी केन्द्रका अध्यक्ष पुष्पकमल दाहाल प्रचण्डबिच भएको छलफलले आज सम्झौता पेस नगर्ने सहमति भएको जानकारी गराउनुभएको थियो ।

बैठकमा एमाले र जनता समाजवादी पार्टीका प्रतिनिधि भने सहभागी थिएनन् ।

आजको संसद् बैठकमा प्रधानमन्त्री शेरबहादुर देउवाले थारू आयोगको वार्षिक प्रतिवेदन पेस गर्ने र विभिन्न समयमा निधन भएका तीन जना पूर्व सांसदप्रति शोक प्रस्ताव पारित गर्ने कार्यसूची रहेको छ ।