काठमाडौं । राष्ट्रिय जनमोर्चाले रिक्त केन्द्रीय सल्लाहकार पदमा दुई नेतालाई चयन गरेको छ ।

यही फागुन १ गते बसेको केन्द्रीय समितिको बैठकले राष्ट्रिय सभा सदस्य एवम् जातीय समता समाजका अधयक्ष राजेश विक र अखिल नेपाल किसान महासंघका उपाध्यक्ष चन्द्रबहादुर केसीलाई सल्लाहकारमा चयन गरेको महासचिव मनोज भट्टले जानकारी दिनुभएको छ ।

यस्तै, बैठकले स्थानीय निर्वाचनको तयारी सम्बन्धमा पनि विभिन्न निर्णयहरु गरेको छ । राजमोले अध्यक्ष चित्रबहादुर केसीको नेतृत्वमा निर्वाचन परिचालन समिति गठन गरेको छ ।

स्थानीय निर्वाचनमा ‘गणतन्त्र तथा राष्ट्रियताको रक्षा गरौँ, संघीयता खारेज गरौँ’ भन्ने मूल नारा तय गरिएको राजमोले जनाएको छ । पार्टीले निर्वाचनमा एमाले र राजावादी दलसँग सहकार्य नगर्ने पुरानै अडान दोहोर्याएको छ ।