बागलुङ । बागलुङको निसिखोला–६ बुढाथोक निवासी नेकपा (मसाल) का सदस्य चन्द्रसिंह बुढाको निधन भएको छ । बुढाको क्यान्सरबाट गत माघ २६ गते निधन भएको मसालले जनाएको छ ।

उहाँको पार्थिव शरीरमा नेकपा (मसाल) का प्रतिनिधि प्रगति बुढाले पार्टीको झण्डा ओढाएर अन्तिम श्रद्धाञ्जली अर्पण गर्नुभएको थियो ।

सो क्रममा चन्द्रसिंह बुढाप्रति श्रद्धाञ्जली अर्पण गर्दै राजमोका जिल्ला सदस्य थमन घर्तीले उहाँको निधनले पार्टीलाई गम्भीर क्षति पुगेको बताउनु भयो ।

२०२५ साल माघ १५ गते जन्मनुभएको बुढा नेकपा (मसाल) को सेल कमिटिका सदस्य हुनुहुन्थ्यो ।
अन्त्येष्टि कार्यक्रममा राजमोका नेता, कार्यकर्ता तथा स्थानीयको उल्लेख्य उपस्थिति रहेको थियो ।