काठमाडौं । काठमाडौं उपत्यकाका शैक्षिक संस्थामा आज (आइतबार) देखि नियमित पठनपाठन सुरु भएको छ । कोरोना संक्रमणको तेस्रो लहर शुरु भएपछि पुस तेस्रो साताबाट बन्द भएका शैक्षिक संस्था आजबाट पुनः सुचारु भएका हुन् ।
कोभिड संकट व्यवस्थापन केन्द्र (सीसीएमसी) तथा काठमाडौं, ललितपुर र भक्तपुरका प्रमुख जिल्ला अधिकारी सम्मिलित जिल्ला कोभिड संकट व्यवस्थापन केन्द्र (डीसीसीएमसी) को शनिबार बसेको बैठकले आजबाट शैक्षिक संस्था सञ्चालन गर्ने निर्णय गरेको थियो ।
स्थानीय प्रशासनको निर्णय अनुसार अब शैक्षिक संस्थामा १२ वर्षमुनिका विद्यार्थीका लागि इन्टरनेटबाटै शिक्षणको गतिविधि सञ्चालन गर्ने व्यवस्था मिलाउनु पर्नेछ । १२ वर्षमाथिका विद्यार्थीका लागि स्कुलमै गएर अध्ययन गर्ने निर्णय भएको छ ।
यद्यपी यसबीचमा पनि अनौपचारिक रुपमा सिफ्टअनुसार सञ्चालनमा रहेका शैक्षिक संस्थाहरु भने आजदेखि नियमित रुपमा खुलेका छन् ।
स्थानीय प्रशासनले होटल, रेष्टुरेन्ट तथा रात्रिकालीन व्यवसाय पनि सञ्चालन गर्न दिने निर्णय गरेको छ।
