खिमराज चालिसे, चंडिगढ ।
मूल प्रवाह अखिल भारत नेपाली एकता समाजले गम्भीर बिरामी परेका एक बालकलाई उपचार सहयोग गरेको छ ।

मूल प्रवाह सुदूरपश्चिमोत्तर क्षेत्र अन्तर्गत भटिन्डा नगर समितिले प्युठान नगरपालिका वार्ड नम्वर ७ का साढे दुई वर्षीय बालक विपीन नेपालीलाई ३९ हजार ५६ रुपैयाँ सहयोग गरेको हो ।

बालकको पेटमा गम्भीर इन्फेक्शन भएको उनका बुवा विकास नेपालीले बताउनुभएको छ । विकासले मूल प्रवाहलाई दिएको जानकारी अनुसार उहाँ दुर्घटनामा परि घाइते अवस्थामा हुनुहुन्छ भने श्रीमतीसमेत बिरामी अवस्थामा हुनुहुन्छ ।

गम्भीर अवस्थामा रहेका बालकको आईसीयूमा राखेर उपचार गर्नुपर्ने भएकोले तत्काल चन्दा संकलन गरी मूल प्रवाह रामपुरा फुल एरिया मार्फत पीडितलाई सहयोग रकम हस्तान्तरण गरिएको क्षेत्रीय सदस्य नर बहादुर ओलीले बताउनु भएको छ ।