कपिलवस्तु । राष्ट्रिय जनमोर्चाको विजयनगर गाउँपालिकाको–१ मा दोस्रो भेला सम्पन्न भएको छ । मंगलबार विजयनगरको गुगौलिमा भेला सम्पन्न भएको हो ।
सम्पन्न भेलाले प्रभु यादवको अध्यक्षतामा १७ सदस्सीय वडा समिति गठन गरेको छ । समितिको उपाध्यक्षमा पदमा राकेश पासी, सचिव हजरत अलीशाह, सहसचिव जगराम खटिक र कोषाअध्यक्षमा फूल मती खतिक चयन हुनुभएको छ ।
सदस्यहरूमा ओमप्रसाद खतीक, सेवकराम कोरी, सैनाज मनीहर, अवधराम भर, हालिमुन निशा, गीता खटिक र वैकल्पीक सदस्यहरुमा सुनार मती पनाहर र संगीता खटिक रहनु भएको छ ।
त्यस्तै, सल्लाहकारमा रामदिन कलवार, गणपति यादव, सोतराम यादव र पञ्चम मुराउ हुनुहुन्छ । भेलामा राष्ट्रिय जनमोर्चा जिल्ला सल्लाहका र तथा अखिल नेपाल ट्रेड यूनियन महासंघ (अन्तुक) का केन्द्रीय सदस्य केरसिंह अदै र जातीय समता समाजका केन्द्रीय सल्लाहकार दिलबहादुर विकले तत्कालीन राजनीतिक परिस्थिति, राष्ट्रिय जनमोर्चाको नीति , कार्यक्रम, स्थानिय निर्वाचन , एमसीसी सम्झौता विरुद्ध आन्दोलनको बारेमा प्रकाश पार्नु भएको थियो ।
भेलामा राष्ट्रिय जनमोर्चा विजयनगर गाउँपालिका–७ का अध्यक्ष रामचरण कोरी, राजमो वडा नम्बर ६ का अध्यक्ष पटेश्वरी यादव, –५ का अध्यक्ष खदेरु पासीले पनि मन्तव्य राख्नु भएको थियो ।
राजमो विजयनगर गाउँपालिका सदस्य मनिषा कोरीले भेला सफलताको शुभकामना तथा बधाई दिनु भएको थियो । प्रभु यादवको अध्यक्षता र राजमो विजयनगर गाउँपालिकाको सचिव गोविन्द परिवारको सञ्चालन तथा नमबहादुर खत्री क्षेत्रीले स्वागत गर्नु भएको थियो ।
