काठमाडौं । प्रतिनिधि सभाको भोलि (माघ २६ गते) बस्ने बैठकमा अमेरिकी सहयोग परियोजना मिलेनियम च्यालेन्ज कर्पोरेसन एमसीसी पेश नहुने भएको छ ।

संसद सचिवालयले आज जारी गरेको बैठकको सम्भावित कार्यसूचीमा एमसीसी परेका छैन ।

सरकारले एमसीसी संसदबाट अनुमोदन गर्न प्रयास गरिरहेको भए पनि संसद बैठकमा भने तत्काल पेश नगर्ने भएको हो ।
एमसीसी मुख्यालयले सो सम्झौता संसदबाट अनुमोदनका लागि यही फेब्रुअरी २८ (फागुन १६) सम्मको डेटलाइन दिएको सार्वजनिक भएको छ ।

संसद सचिवालयका अनुसार बैठकमा प्रधानमन्त्री शेरबहादुर देउवाले थारु आयोगको प्रतिवेदन पेश गर्नेछन् भने संविधान सभा सदस्य जगतबहादुर ताजपुरीयाको निधनप्रति शोक प्रस्ताव पेश हुनेछ।