नवराज पौडेल, कपिलवस्तु ।
कपिलवस्तुको शिवराज नगरपालिका–५ खैरीमा अखिल (छैठौं)ले गाउँ समिति गठन गरेको छ । अखिल नेपाल स्वतन्त्र विद्यार्थी युनियन (छैठौं) कपिलवस्तुले शनिबार चन्द्रौटाको खैरिमा संगठन निर्माण गरेको हो ।
नवीन बुढा मगरको अध्यक्षतामा ११ सदस्यीय समिति गठन गरिएको छ । जसको उपाध्यक्षमा साहिल सुनार, सचिव मनिका जीएम, कोषाध्यक्ष सुजाता सुनार, सदस्यहरूमा रजिन सुनार, सन्दिप सुनार, सुमन सुनार, सन्तोष सुनार र प्रचण्ड सुनार रहनु भएको छ । समितिको सल्लाहकारमा भरत थापा र अमृत सुनार रहनु भएको छ ।
अखिल (छैठौं)का केन्द्रीय सदस्य तथा जिल्ला अध्यक्ष सञ्जीला बुढा मगर र प्रदेश सदस्य तथा जिल्ला सचिव टिना अदैको उपस्थितिमा समिति गठन गरिएको सचिव अदैले जानकारी दिनु भयो ।
भेला पछिको बैठकले अखिल (छैठौं)को सदस्यता दिने र माघ २९ गते हुने नगर भेलामा उपस्थित हुने, नियमित बैठक बस्ने निर्णय गरेको छ । विद्यार्थीहरुलाई विधान र बैठकको नियम, विद्यार्थी संगठनको उदेश्य बारेमा सञ्जिला बुढा मगर र टीना अदैले प्रकाश पार्नु भएको थियो ।
विद्यार्थीहरुको अनुशासन, साथै विविध विषयमा राष्ट्रिय जनमोर्चा जिल्ला सल्लाहकार तथा अखिल नेपाल ट्रेड यूनियन महासंघ (अन्टुक)का केन्द्रीय सदस्य केर सिंह अदै र राष्ट्रिय जनमोर्चा शिवराज नगर समितिका कोषाध्यक्ष तथा रक्तिम सांस्कृतिक अभियान शिवराजका अध्यक्ष बेगम बुढा मगरले प्रकाश पार्नु भएको थियो ।
