काठमाडौं । नेपाल कम्युनिस्ट पार्टी (मसाल) ले पार्टीका पुराना सदस्य चरणसिंह थापाप्रति श्रद्धाञ्जली अर्पण गरेको छ ।
नवलपुरको हुप्सकोट–१ बेलुवा निवासी थापाको ८२ वर्षको उमेरमा माघ २ गते निधन भएको थियो ।
महामन्त्री मोहनविक्रम सिंहले मंगलकार शोक विज्ञप्ति प्रकाशित गरी थापा पार्टीको एक मिहनेती, इमान्दार र अनुशासित सदस्य हुनुहुन्थ्यो भन्दै उहाँको निधनले पार्टीलाई गम्भीर क्षति पुगेको बताउनुभएको छ ।
शोक विज्ञप्तिमा भनिएको छ, ‘नवलपुर जिल्ला हुप्सेकोट गाउँपालिका–१ बेलुवा निवासी का. चरणसिंह थापाको २०७८ माघ ०२ गते ८२ वर्षको उमेरमा मृत्यु भएको छ । उहाँको मृत्युप्रति हामीले गम्भीर दुःख प्रकट गर्दै सन्तप्त परिवारजनप्रति हार्दिक समवेदना प्रकट गर्दछौँ । उहाँ हाम्रो पार्टीको धेरै पुरानो सदस्य हुनुहुन्थ्यो । उहाँ हाम्रो पार्टीको एक मिहनेती, इमान्दार र अनुशासित सदस्य हुनुहुन्थ्यो । उहाँको मृत्युबाट हाम्रो पार्टीको आन्दोलनमा गम्भीर क्षति भएको छ । अन्तमा हामीले उहाँप्रति हार्दिक श्रद्धाञ्जली व्यक्त गर्दछौँ ।’
