काठमाडौं । नेपालले अफगानिस्तानलाई मानवीय सहायता सामग्री पठाउने भएको छ । परराष्ट्र मन्त्रालयका वरिष्ठ अधिकारीको नेतृत्वमा सरकारका तर्फबाट मानवीय सहयोग हस्तान्तरणका लागि एक टोली आइतबार बिहान काबुल जाने भएको हो ।
मानवीय सहायता लिएर हिमालय एयरलाइन्सको चार्टड विमान अफगानिस्तानको राजधानी काबुल जाने भएको हो ।
परराष्ट्र मन्त्रालयकी प्रवक्ता सेवा लम्सालले औषधि, लत्ताकपडासहितका सहयोग सामग्री लिएर नेपाली टोली आइतबार अफगानिस्तान जाने जानकारी दिनुभयो । यस विषयमा विस्तृतमा जानकारी भने परराष्ट्र मन्त्री डा। नारायण खड्काले आइतबार विहान आयोजित पत्रकार सम्मेलनमा दिने उहाँले बताउनुभयो ।
अमेरिकी सेनाले अफगानिस्तान छाडेपछि हाल विद्रोही संगठन तालिबानले त्यहाँ शासन सञ्चालन गरिरहेको छ । अफगानिस्तानमा तालिबानले शासन सञ्चालन गर्न थालेपछि ठूलो मानवीय संगठन देखिएको समाचारहरु सार्वजनिक भएका छन् ।
