कपिलवस्तु । राष्ट्रिय जनमोर्चा विजयनगर गाउँपालिकाले पालिकाका सात वटै वडामा वडा भेला गर्ने निर्णय गरेको छ । शनिबार राजमो विजयनगर गाउँपालिकाको बैठकले सो निर्णय गरेको हो ।
राष्ट्रिय जनमोर्चा विजयनगर गाउँपालिका उपाध्यक्ष पतेश्वरी यादवको अध्यक्षता तथा राजमो जिल्ला सल्लाकार एवम् अखिल नेपाल ट्रेड यूनियन महासंघ (अन्टुक) का केन्द्रीय सदस्य केरसिंह अदैको उपस्थितिमा गाउँपालिकाको जुटपानीमा बैठक सम्पन्न भएको हो ।
बैठकले राष्ट्रिय जनमोर्चाको संगठनात्मक अवस्था, संघर्षका कार्यक्रमको मूल्यांकन र समीक्षा गर्नुका साथै माघ महिनामा सातै वडामा भेला गर्ने निर्णय गरेको छ ।
जसअनुसार वडा नं १ को माघ २५ गते गुगौली, वडा नं २ को माघ २० गते कुठाहवा, वडा नं ३ को माघ २९ गते पत्तहरदैया, वडा नं ४ को माघ १८ गते जगदीशपुर, वडा नं ५ को माघ १५ गते दालपुर, वडा नं ६ को माघ १८ गते जुटपानी र वडा नं ७ को माघ १० गते झुलानियामा गर्ने निर्णय गरेको छ ।
बैठकमा समसामयिक राजनीतिक परिस्थिति, स्थानीय निर्वाचनको बारेमा केर सिंह अदैले प्रकाश पार्नु भएको थियो ।
