काठमाडौं । सीमा अतिक्रमण विरुद्ध सुदूरपश्चिममा सुरु भएको ‘कालापानी अभियान’ लाई राष्ट्रिय जनमोर्चा केन्द्रीय कार्यालयले स्वागत गरेको छ । बुधबार अध्यक्ष चित्रबहादुर केसीले वक्तव्य प्रकाशित गरी अभियानको सफलताको कामना गर्नुभएको छ ।
राजमो सुदूरपश्चिम प्रदेश समितिले सीमा अतिक्रमण विरुद्ध आजदेखि धनगढी–दार्चुला–महेन्द्रनगर मोटर साइकल यालीको सुरुवात गरेको गरेको छ ।
अध्यक्ष केसीले प्रकासित गर्नुभएको वक्तव्यमा कार्यक्रम सफल पार्नका लागि पार्टीका सम्पुर्ण नेता कार्यकर्ता, शुभचिन्तक एवं आम जनतासित सहयोगको अपिल गरिएको छ ।
यस्तो छ, वक्तव्य
भारतले केही समय अगाडि प्रकाशित गरेको आफ्नो नयाँ नक्सामा नेपालको लिम्पियाधुरा, लिपुलेक, कालापानी समेतको भूभागलाई भारतीय क्षेत्र अन्तरगत समावेश गर्नु नेपालको सार्वभौमिकतामाथिको गम्भीर हस्तक्षेप हो । भारतीय साम्राज्यवादको उक्त कार्यको विरुद्धमा नेपालमा भइरहेका विभिन्न कार्यक्रमहरुलाई हाम्रो पार्टीले स्वागत गर्दै ती कार्यक्रमहरुप्रति ऐक्यवद्धता प्रकट गर्दछ । यस सिलसिलामा राष्ट्रिय जनमोर्चा सुदूरपश्चिम प्रदेशले मंसीर ११ गतेबाट एक हप्तासम्म विभिन्न कार्यक्रमहरु सहित ‘कालापानी अभियान’ को आयोजना गरेको छ । उक्त कार्यक्रमलाई सफल पार्नका लागि सम्पूर्ण नेता, कार्यकर्ता, समर्थक, शुभचिन्तक र आम जनसमुदायलाई हाम्रो पार्टी हार्दिक अपील गर्दछ ।
यो पनि पढ्नुहोस्ः सीमा अतिक्रमण विरुद्ध ‘कालापानी मार्च’ सुरु
