बागलुङ । बागलुङको जैमिनी नगरपालिका–१० राङखानीमा अखिल नेपाल युवक संघको वडा प्रशिक्षण भेला सम्पन्न भएको छ । शनिबार राङखानी पाही टापुमा सम्पन्न भेला तथा प्रशिक्षणका क्रममा दर्जनौं युवा नेकपा (एमाले) परित्याग गरी राष्ट्रिय जनमोर्चामा प्रवेश गरेको घोषणा गरेका छन् ।
भेलाले वीरेन्द्र श्रीसको अध्यक्षतामा २९ सदस्यीय अखिल नेपाल युवक संघ वडा समिति राङखानी चयन गरेको छ । जसको उपाध्यक्ष निशान पुन, सचिव नवीन भण्डारी, सहसचिव वीर बहादुर विक र कोषाध्यक्ष कल्पना विक चयन हुनुभएको छ ।
सचिवालय सदस्यमा धन बहादुर थापा, सुनील पौडेल, प्रेम बहादुर श्रीस, अनिल थापा तथा सदस्यहरुमा कुमार बस्याल, बम बहादुर केसी, हरि केसी, केदार शर्मा, किरण थापा, रमेश गोर्खाली, जग बहादुर पुन, लाल बहादुर विक, लेखनाथ शर्मा, हमिस श्रीस, रोशन थापा, गंग बहादुर नेपाली, खडक थापा, सुनिल छन्त्याल, सकस थापा, याम बहादुर थापा, समीर श्रीस, होम बहादुर थापा र बम बहादुर विक रहनु भएको छ ।
कार्यक्रममा राष्ट्रिय जनमोर्चाका केन्द्रीय परिषद सदस्य तथा अखिल नेपाल युवक संघका केन्द्रीय सल्लाहकार तिलक थापाले प्रशिक्षण दिँदै सरकारले युवाहरूलाई नभई रेमिटान्स लाई मात्र प्राथमिकतामा राखेको बताउनु भयो ।
हरेक परिवर्तनकारी आन्दोलनमा महत्त्वपूर्ण भुमिका निभाएका युवाहरुलाई सत्तामा पुगेपछि विर्षने गरेको अवस्था स्मरण गराउँदै युवाहरु सत्तामा पुराउन सधैं प्रयोग नभई समाज परिवर्तनको आन्दोलनलाई सशक्त बनाउन जुट्नु पर्ने बताउनु भयो ।
कार्यक्रममा अखिल नेपाल जनजाती सम्मेलनका केन्द्रीय सल्लाहकार नर बहादुर पुन, रक्तिम सांस्कृतिक परिवार बागलुङका अध्यक्ष दान बहादुर थापा, अखिल नेपाल युवक संघ गण्डकी प्रदेश सचिव कृष्णराज शर्मा सञ्जाल, अखिल नेपाल युवक संघका जिल्ला सदस्य श्री प्रशाद थापा, जिल्ला सदस्य तथा जैमिनी नगर अध्यक्ष यम पुन लगायतले शुभकामना मन्तव्य दिनु भएको थियो ।
भेलामा अखिल नेपाल जनजाती सम्मेलन बागलुङका अध्यक्ष लाल बहादुर पुन, राष्ट्रिय जनमोर्चा राङखानीका अध्यक्ष टिकाराम आचार्य, जैमिनी वडा नं.१० का वडा अध्यक्ष नर बहादुर थापा, वडा सदस्य कल्पना विकलगायतको आतित्थ्यता रहेको थियो ।
कार्यक्रममा नेकपा (एमाले) परित्याग गरि राष्ट्रिय जनमोर्चामा प्रवेश गरेका खडक बहादुर थापा, निसान पुन, होम बहादुर थापा लगायत दर्जनौं कार्यकर्ताहरुलाई प्रमुख अतिथि थापाले अबिर र खादाले सम्मान गर्नु भएको थियो । प्रशिक्षण भेला वडा समितिका अध्यक्ष वीरेन्द्र श्रीसको अध्यक्षता, सचिव नवीन भण्डारीको सञ्चालन र सदस्य किरण थापाको स्वागत मन्तव्यमा सम्पन्न भएको थियो ।
