बागलुङ । अखिल (छैठौं) ले सञ्चालन गरेको ‘विद्यालयदेखि विश्वविद्यालय’ अभियान अन्तर्गत बागलुङको ढोरपाटन नगरपालिकामा प्रशिक्षण कार्यक्रम सम्पन्न गरेको छ ।

कार्यक्रममा अखिल नेपाल बुद्धिजिवी संघका केन्द्रीय सदस्य धनबहादुर कुँवरले द्वन्द्वात्मक भौतिकवाद, लेनिनवादी संगठनात्मक पद्धति लगायतका विषयमा प्रशिक्षण दिनु भएको थियो ।

त्यस्तै, शिक्षक टिकाबहादुर पुनले शिक्षक–विद्यार्थी र समुदाय बीचको अन्तर सम्बन्ध, असल विद्यार्थीको समाजमा दायित्व लगायत विषयमा प्रशिक्षण मन्तव्य राख्नु भएको थियो ।

राष्ट्रिय जनमोर्चा ढोरपाटन नगरपालिका कार्यालय सचिव कुलबहादुर छन्त्यालले समसामयिक राजनीतिक विषय र अखिल (छैठौं) को भूमिका, एमसीसी लगायतका विषयहरुमा प्रशिक्षण दिनु थियो । कार्यक्रम नगर अध्यक्ष तेजेन्द्र पुनको अध्यक्षतामा सम्पन्न भएको थियो ।